RIMELEG GODT NØGDE: Politiet måtte ta hand om to narkotikasaker og ein person i drukkenskapsarresten, elles melder lensmannen at folk oppførte seg sømeleg og at politiet er rimeleg godt nøgde. (Foto: Camilla Korsnes)
RIMELEG GODT NØGDE: Politiet måtte ta hand om to narkotikasaker og ein person i drukkenskapsarresten, elles melder lensmannen at folk oppførte seg sømeleg og at politiet er rimeleg godt nøgde. (Foto: Camilla Korsnes)

To narkotikasaker og ein i drukkenskapsarresten

Ein tydeleg rusa person på konsertområdet på Gjerstad blei i 23.00-tida torsdag kveld teken hand om av politiet og sendt til drukkenskapsarresten i Bergen.
Publisert 12.07.2019 kl. 12.35. Oppdatert kl. 12.39.

Lensmann Terje Sperrevik i Kvam, Fusa og Tysnes lensmannskontor fortel at vedkomande laga litt bråk og spetakkel inne på konsertområdet, og var eit uromoment. Han blei tilsnakka, men høyrde ikkje på det øyra. Då politiet snakka til han, sette han seg opp mot politiet som tok han med til Våge, der han blei sendt vidare til Os og til drukkenskapsarresten i Bergen. Saka vil bli meldt.

– Dette er absolutt slik me ikkje vil ha det, seier lensmannen.

Politiet tok og hand om to narkotikasaker. Ein person er mistenkt for narkotika. Saka vil bli meldt. Vedkomande kom ikkje inn på området. Det blei også gjort funn av narkotika på ein annan person som var på veg inn på området. Han vil bli meldt for det. Han blei bortvist frå området.

Lensmannen melder elles om ein person som viste falsk legitimasjon og blei bortvist frå staden, i tillegg til litt småknuffing og truslar.

– Politiet hadde og ei fotpatrulje i Våge hamn. Der var det mykje folk, mykje båtar og god stemning. Folk oppførte seg sømeleg. Me er rimeleg godt nøgde, seier lensmannen.

Han håpar at det blir ein like bra fredagskveld og at folk kosar seg på festival.


Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...

Lesarbrev: God søndagstur

På søndag skal Norge nok ein gong gjennomføra verdas største dugnad. 100.000 bøsseberarar går på tur i heile Norge, og samlar inn pengar til velgjerande organisasjonar. Kvart år blir det lagt ned ein stor innsats på Tysnes, og det er kjekt å sjå at gjevargleda til oss tysnesingar er stor kvart einaste år. Skular, lag og organisasjonar, kyrkja, privatpersonar og bedrifter har bidrege for å få...