UNG FAN: Synne Skarstein Dalland syntest det var stor stas å få møta Finn Schjøll.
UNG FAN: Synne Skarstein Dalland syntest det var stor stas å få møta Finn Schjøll.

– Han er kul

Synne Skarstein Dalland (13) fekk sikra seg eit bilete med sjølvaste Blomster-Finn.
Publisert 12.07.2019 kl. 12.35. Oppdatert kl. 12.48.

Om lag 50 personar tok ein pause frå sola for å få med seg showet til blomsterdekoratør og TV-personlegdom Finn Schjøll torsdag ettermiddag. Det heile blei innleia av Torstein Hatlevik, husfar på Haaheim Gaard.

– Eg og Blomster-Finn har ein liten historie i lag. Me hadde ein morgon saman i Oslo, sa Hatlevik til fnising frå dei frammøtte.

– De skjønar, eg var på frukost-TV. Det var det eg tenkte på, la han smilande til.

Og det var vel kanskje nettopp slike kommentarar ein håpa at konferansieren skulle koma med i denne settinga.

– Eg kan ikkje skjøna kvifor eg fekk denne oppgåva, sa han med glimt i auga, før han overlet scenen til Finn Schjøll og Jannike E. Dalland.


Kreative

Side om side trylla dei to fram den eine vakre dekorasjonen etter den andre, med alt frå bringebærris til nydelege peonar.

– Du må visa fram det du har laga, nærmast kjefta Finn Schjøll når Jannike litt beskjedent prøvde å legga frå seg det ho hadde laga.

– Hald den opp, den er jo «vidunderleg», skrytte han over ein av dei mange oppsatsane hennar.

Blomster-Finn var nett slik ein er van med å sjå han på TV; morosam og direkte i sin tale.

– Ein kan laga mykje av lite. Ta det de har, og det de ikkje har er det umogleg å ta. Punktum, sa han i sitt sedvanlege bestemte toneleie.

Publikum let seg tydeleg imponera over ferdigheitane hans.

– I all verda kva han får til, var blant kommentarane frå benkane.


«Starstrucked»

Då showet var ferdig, trekte mange fram til scenen for å studera alt det flotte som var blitt laga. Ei av dei var 13 år gamle Synne Skarstein Dalland, men for henne var det nok ikkje blomsterdekorasjonane som var mest interessante. Ho liker å sjå kjendisar, og måtte sjølvsagt nytta høvet til å få teke eit bilete i lag med Blomster-Finn.

– Det var veldig gøy. Eg blei «starstrucked», gliser tenåringen.

– Han er kul. Eg har sett han på God Morgen Norge. Og så har han veldig mange følgarar på Instagram, seier ho.

Det var Synne si tante, Dagrunn Eline Dalland, som inviterte henne med på blomstershowet.

– Veldig inspirerande og fint, er hennar kommentar til det Finn Schjøll hadde å seia og visa fram.

– Han har mange gode uttrykk, legg ho til.


E39-skeptikar

Sjølv om det godt kunne ha vore endå fleire frammøtte, verka Finn Schjøll godt fornøgd med showet og Tysnes-turen.

– Det kom fleire enn eg trudde. Eg følte me gjorde ein god jobb, seier han til lokalavisa.

Etter litt snakk om Tysnesfest og diverse, kom han brått inn på temaet E39.

– La det forbli ei øy!

– Viss ein rører i gryta må ein tola røyken, åtvara han, og sikta til konsekvensane ei E39-utbygging vil ha for Tysnes.


LAGA MYKJE FINT: Den karismatiske TV-personlegdomen kan sakene sine.
LAGA MYKJE FINT: Den karismatiske TV-personlegdomen kan sakene sine.
KOSTE SEG: Kvinnene var i solid fleirtal på benkane.
KOSTE SEG: Kvinnene var i solid fleirtal på benkane.
DYKTIG: Jannike E. Dalland fekk mykje skryt for det ho laga på scenen.
DYKTIG: Jannike E. Dalland fekk mykje skryt for det ho laga på scenen.
I BERMUDATELTET: Kring 50 personar fekk med seg blomstershowet, som blei arrangert i samarbeid med Tysnes blomster og interiør.
I BERMUDATELTET: Kring 50 personar fekk med seg blomstershowet, som blei arrangert i samarbeid med Tysnes blomster og interiør.

Siste saker Gå til framsida

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.

23 fleire tysnesingar i 2019

Ifølgje SSB sin statistikk var folketalet i Tysnes kommune 2.869 ved starten av 2020. Det betyr at folketalet har auka med 23 personar sidan starten på 2019. I løpet av det siste kvartalet har det blitt sju fleire tysnesingar.I løpet av 2019 blei det fødd 34 personar på Tysnes, noko som er tre meir enn i både 2018 og 2017. Dette fødselstalet er det nest høgste i kommunen i løpet av dei...

Vil du læra meir om andelslandbruk?

Laurdag blir det open gard på Nedre Helland Gard, og Anne-Grete Nedrebø og Vegard Helland har planlagt hyggelege aktivitetar for heile familien. Alle som er interesserte i å vita meir om kva som skjer på det nystarta andelslandbruket i Nordbustaddalen er hjarteleg velkomne til å ta turen. Dei vaksne kan...