UNGT PUBLIKUM: Filip Godø Kjøndal og mor Aina Kjøndal koste seg rockekonserten i Bermudateltet.
UNGT PUBLIKUM: Filip Godø Kjøndal og mor Aina Kjøndal koste seg rockekonserten i Bermudateltet.

Barna koste seg på rockekonsert

Før dei musikalske innslaga inntok Gjerstad torsdag kveld, fekk også dei yngste festivaldeltakarane ei storslegen konsertoppleving.
Publisert 12.07.2019 kl. 14.15.

Mange hadde møtt fram til Bermudateltet for å høyra Naboen Min sin konsert retta mot barna på Tysnesfest. Gruppa er ein duo beståande av Vegard Markhus og Bjørnar Sangolt, og saman med ein ekstra bassist og trommeslagar laga dei god stemning i Bermudateltet.

Dei framførte songar frå debutplata «Rockesock», og klarte fint å underhalda både barn og vaksne i alle aldrar.


Tidlege konsertopplevingar

– Det var kjempegøy, og han koste seg veldig, fortel Aina Kjøndal, som var til stades med sonen Filip Godø Kjøndal.

Filip, som snart fyller to år, hadde ikkje så mange ord om konserten sjølv, men mora er godt nøgd med at Tysnesfest kan by på program for alle aldrar.

– Det er veldig flott at han òg kan kosa seg på konsert, seier Aina.

På konserten var også nesten eitt år gamle Leon Hagen, med mor Iris Hagen og mormor Britt Flygansvær. Også Leon såg ut til å kosa seg undervegs i armane på mormora.

– Det var konsertdebuten. Det var mange inntrykk, men eg trur han koste seg, seier Britt om barnebarnet.

– Og så fekk han eitt Tysnesfest-flagg, som kanskje var det aller gøyaste, fortel Iris.


Nøgde artistar

Også duoen i Naboen Min var godt fornøgd med den gjennomførte konserten.

– Det var kjempekjekt. Me var litt spent på om det ville koma nokon, og det kom mange blide folk for å høyra på, fortel Vegard Markhus.

Begge to trivst godt med å framføra musikk for barn.

– Det er eit takknemmeleg publikum, som ofte er med og syng og dansar. Vaksne publikummarar er litt vanskelegare å lesa, seier Bjørnar Sangolt.

Norheimsundgruppa har også fått andre gode tilbakemeldingar på musikken sin. Eit av høgdepunkta var då dei fekk Spelemannprisen for 2018 i kategorien for barnemusikk.

– Det var heilt fantastisk. Me får kanskje ikkje nokre betre anerkjenning enn det, seier Bjørnar.

Både han og Vegard, samt dei to siste musikarane, viste i Bermudateltet at dei er dyktige musikarar, og at dei lagar fengjande musikk. Dei er begge opptekne av at barn også skal ha tilgang til musikk av god kvalitet.

– Det er viktig med litt god musikk for barn, avsluttar Bjørnar.


BARNEKONSERT: Bjørnar Sangolt (t.v.) og Vegard Markhus hadde utsett ferieplanane sine for å kunna koma og spela på Tysnesfest.
BARNEKONSERT: Bjørnar Sangolt (t.v.) og Vegard Markhus hadde utsett ferieplanane sine for å kunna koma og spela på Tysnesfest.
MED MORMOR: Snart eitt år gamle Leon Hagen fekk nyta konserten i armane til mormor Britt Flygansvær. Mor Iris Hagen var også med.
MED MORMOR: Snart eitt år gamle Leon Hagen fekk nyta konserten i armane til mormor Britt Flygansvær. Mor Iris Hagen var også med.
GODT FRAMMØTE: Mange hadde teke turen til Bermudateltet midt på dagen på torsdag.
GODT FRAMMØTE: Mange hadde teke turen til Bermudateltet midt på dagen på torsdag.

Siste saker Gå til framsida

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.

23 fleire tysnesingar i 2019

Ifølgje SSB sin statistikk var folketalet i Tysnes kommune 2.869 ved starten av 2020. Det betyr at folketalet har auka med 23 personar sidan starten på 2019. I løpet av det siste kvartalet har det blitt sju fleire tysnesingar.I løpet av 2019 blei det fødd 34 personar på Tysnes, noko som er tre meir enn i både 2018 og 2017. Dette fødselstalet er det nest høgste i kommunen i løpet av dei...

Vil du læra meir om andelslandbruk?

Laurdag blir det open gard på Nedre Helland Gard, og Anne-Grete Nedrebø og Vegard Helland har planlagt hyggelege aktivitetar for heile familien. Alle som er interesserte i å vita meir om kva som skjer på det nystarta andelslandbruket i Nordbustaddalen er hjarteleg velkomne til å ta turen. Dei vaksne kan...