EKSPERIMENTERTE MED SMAKAR: På «Smaksverkstedet» fekk deltakarane i oppdrag å laga fisketaco heilt frå botnen av. Julian og Lars Christian Kleppe Waagbø (til venstre) og Aksel Kjeilen (til høgre) var spente på resultatet.
EKSPERIMENTERTE MED SMAKAR: På «Smaksverkstedet» fekk deltakarane i oppdrag å laga fisketaco heilt frå botnen av. Julian og Lars Christian Kleppe Waagbø (til venstre) og Aksel Kjeilen (til høgre) var spente på resultatet.

Eksperimenterte med fredagstacoen

– Det kan jo henda at taco hamnar på førsteplassen etter dette kurset, seier Julian (7), Lars Christian (9) og Aksel (7).
Publisert 12.07.2019 kl. 10.49. Oppdatert kl. 12.37.

I tentipien på E-brygga står Ann Helen Lien og Hilde Haugland frå «Smaksverkstedet» klare til å visa dei tolv deltakarane i alderen 7-13 år korleis ein kan eksperimentera med fredagstacoen.

Dei har vore litt vågale. På matkurset, som er ein del av torsdagsprogrammet under Tysnesfest, skal barna læra å laga tacoen heilt frå botnen. Og kjøtdeig er bytta ut med torsk.


Aldri prøvd fisketaco

Julian og Lars Christian har aldri smakt fisketaco før. Og i alle fall ikkje torsketaco. Det har ikkje Aksel heller. Men dei er opne for noko nytt.

Taco kjem på ein god andreplass på lista over livrettane, meiner Julian og Lars Christian.

– Men det er ingen av oss som har smakt fisketaco før, så det kan jo henda at taco hamnar på førsteplassen etter dette kurset, smiler dei.


Gler seg til å smaka

– Du er ein helt til å skjera fisk, rosar Ann Helen.

– Takk! Eg har aldri skore fisk før faktisk, svarer Julian.

– På denne fisken var det ingen bein, forresten. Så det var ikkje så vanskeleg.

Aksel har fått i oppdrag å laga tomatsalsa, og gler seg til å smaka.

– Eg elskar å laga mat. Det er litt klissete med tomatene, då. Men det er berre tomat, heldigvis!


Næringsrikt, godt og kortreist

Forutan tomatsalsa skal deltakarane laga heimalaga tacokrydder og guacamole. Alle ingrediensane på kurset er kortreiste.

– Her skal me eksperimentera med næringsrike råvarer, seier Ann Helen.

– Det skal vera god mat. Og den skal vera bra for toppen vår, og for kloden vår.

Ho forklarar kva ordet berekraftig betyr, og nyttar råvarane som eksempel.

– På bordet finn de grønsaker som er frå Noreg, istadenfor at dei vert flydd verda rundt. Og fisken er frå Lerøy.


Overbevist

Lars Christian fortel at dei har noko som dei kallar Matjungelen på SFO, og der har han og Julian funne livretten sin.

– Fullkornsmakaroni med karbonadedeig, pølsebitar, gulrot og ketchup. Det er det beste me veit!

No gjenstår det å sjå om førsteplassen er truga. Etter eit godt samarbeid frå dei tolv kokkane, og gode instruksjonar frå Ann Helen og Hilde, er fisketacoen no blitt ferdig.

Mange meiner at dei ikkje likar fisk, men alle vågar å smaka. Og alle er einig i det same; dette smakar godt.

Julian og Lars Christian diskuterer litt. Så kjem konklusjonen.

– Det blir ein delt førsteplass.


STERKE SAKER: Tacokrydderet skulle òg lagast heilt frå botnen. Nasen svei hjå mange då dei skulle ta luktetest på krydderet.
STERKE SAKER: Tacokrydderet skulle òg lagast heilt frå botnen. Nasen svei hjå mange då dei skulle ta luktetest på krydderet.
SUNT, GODT OG BEREKRAFTIG: Målet med kurset var å læra barn at maten kan smaka godt, og gjera godt for både kroppen og planeten vår.
SUNT, GODT OG BEREKRAFTIG: Målet med kurset var å læra barn at maten kan smaka godt, og gjera godt for både kroppen og planeten vår.
SUKSESS: Her forklarte Ann Helen Lien og Hilde Haugland frå «Smaksverkstedet» i Bergen kva dei skulle laga; torsketaco med heimalaga tacokrydder, tomatsalsa og guacamole. Det slo an.
SUKSESS: Her forklarte Ann Helen Lien og Hilde Haugland frå «Smaksverkstedet» i Bergen kva dei skulle laga; torsketaco med heimalaga tacokrydder, tomatsalsa og guacamole. Det slo an.

Siste saker Gå til framsida

Tråla etter avfall

– BKK er sponsor for Tysnesfest, og så er me òg samarbeidspartnar med Dale Oen Experience, fortel Kjersti Drangevåg i BKK.The Dale Oen Experience er ei stifting som blei starta etter at den kjente, norske svømmaren Alexander Dale Oen gjekk bort. Stiftinga har som mål å legga til rette for opplevingar og meistring for barn og ungdom, og då spesielt dei som ikkje har ein enkel...

Leiar: «I planen er det opna for utfylling i sjø. Det bør gjerast»

Politikarane i landbruk/teknisk i Tysnes tek ikkje ferie. I dag er dei kalla inn til ekstramøte for å handsama søknaden frå Fjord1 om det nye tekniske bygget til el-ferja i Våge. Fjord1 ber om ny politisk vurdering. Innkallinga til møtet er sendt ut 15. juli. Brevet frå Fjord1 er postlisteført 2. juli.Det er...

Ekstramøte om teknisk bygg på ferjekaien

Landbruk/teknisk sa i juni nei til Fjord1 sin søknad om å byggja teknisk bygg for den nye el-ferja i Våge. I dag held utvalet ekstramøte etter at politikarane vart bedne om vurdera saka på nytt.