TRØNDERROCK: D.D.E. med Bjarne Brøndbo i spissen avslutta kvelden på Gjerstad.
TRØNDERROCK: D.D.E. med Bjarne Brøndbo i spissen avslutta kvelden på Gjerstad.

Trønderane fullførte festen

Åge Aleksandersen og D.D.E. sette punktum for den fyrste av tre konsertkveldar på Gjerstad.
Publisert 12.07.2019 kl. 06.00.

Etter at Novocaine, Rotlaus og Lind, Nilsen, Fuentes og Holm hadde gjennomført sine konsertar på Gjerstad torsdag kveld, gjenstod det berre tre band til å avslutta festen.

Fyrst ut var LÖV, som består av to tidlegare Highasakite-medlemmar, før trønderrocken tok over showet.

Åge Aleksandersen sette stemninga då han opna med superhiten «Levva Livet», og følgde på med «Fire Pils og En Pizza». Åge & Sambandet er på jubileumstur for å feira at Åge sjølv har blitt 70 år gammal, og at det er 35 år sidan albumet «Levva Livet» kom ut.

Jubilanten var innom alle dei store hitane sine, inkludert «Lys og Varme», «Din Dag» og «Dains Me Dæ», før han avslutta det nesten halvanna time lange settet sitt med «Rio De Janeiro». Mykje energi og strålande musikarar sørgde for ein minneverdig konsert frå Aleksandersen.

Det var ikkje mykje pause i programmet før det siste bandet for kvelden entra scenen. Mange gledde seg til D.D.E., og også denne gjengen leverte eit show Tysnesfest-publikummet verdig.

I morgon ventar ein ny konsertkveld på Gjerstad med namn som Skambankt, 10CC, Aurora og Matoma på plakaten.












JUBILANT: Åge Aleksandersen & Sambandet var nest siste band på scenen torsdag, og leverte slager etter slager for festivalpublikummet.
JUBILANT: Åge Aleksandersen & Sambandet var nest siste band på scenen torsdag, og leverte slager etter slager for festivalpublikummet.
DANS: Denne duoen nytta Åge Aleksandersen sine rytmer til å ta seg ein svingom.
DANS: Denne duoen nytta Åge Aleksandersen sine rytmer til å ta seg ein svingom.
FESTSTEMTE: Endre Drønen (t.v.) og Magnar Taranger fann fram til scenekanten då LÖV spelte.
FESTSTEMTE: Endre Drønen (t.v.) og Magnar Taranger fann fram til scenekanten då LÖV spelte.
PÅ KONSERT: Desse damene koste seg med Åge & Sambandet.
PÅ KONSERT: Desse damene koste seg med Åge & Sambandet.
KONSERTAR: Torsdagskvelden var den fyrste av tre kvelder med konsertar på Gjerstad under Tysnesfest.
KONSERTAR: Torsdagskvelden var den fyrste av tre kvelder med konsertar på Gjerstad under Tysnesfest.
NYTT BAND: LÖV består mellom anna av to tidlegare medlemmar av Highasakite, og dei fekk varma publikum godt opp før trønderrockarane entra scenen.
NYTT BAND: LÖV består mellom anna av to tidlegare medlemmar av Highasakite, og dei fekk varma publikum godt opp før trønderrockarane entra scenen.
STEMNING: Mange hadde slått seg ned på plenen opp mot skulebygget.
STEMNING: Mange hadde slått seg ned på plenen opp mot skulebygget.
TETT PÅ: Åge Aleksandersen fekk god kontakt med publikummet på arenaen.
TETT PÅ: Åge Aleksandersen fekk god kontakt med publikummet på arenaen.
MUSIKKGLEDE: Publikum var med for fullt då D.D.E. spelte.
MUSIKKGLEDE: Publikum var med for fullt då D.D.E. spelte.
MUSIKKFEST: Også Åge Aleksandersen vann over publikum.
MUSIKKFEST: Også Åge Aleksandersen vann over publikum.
FOLKEHAV: Heile arenaen var stappfull av folk torsdag kveld.
FOLKEHAV: Heile arenaen var stappfull av folk torsdag kveld.

Siste saker Gå til framsida

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...

Lesarbrev: God søndagstur

På søndag skal Norge nok ein gong gjennomføra verdas største dugnad. 100.000 bøsseberarar går på tur i heile Norge, og samlar inn pengar til velgjerande organisasjonar. Kvart år blir det lagt ned ein stor innsats på Tysnes, og det er kjekt å sjå at gjevargleda til oss tysnesingar er stor kvart einaste år. Skular, lag og organisasjonar, kyrkja, privatpersonar og bedrifter har bidrege for å få...