VIDEO: Spektakulære svev i Våge

Veteranskipet MS «Sunnhordland» vart laurdag omgjort til dødserampe midt i Våge.
Publisert 13.07.2019 kl. 20.03. Oppdatert kl. 20.07.

Ein av dei nye programpostane under årets Tysnesfest er Døds Challenge Tysnes, i samarbeid med International Døds Federation. Døds er ein variant av stuping som handlar om å underhalda publikum og dommarar. Svevet skal sjå mest mogleg spektakulært ut, og ein går inn for landing med mage og ansikt fyrst før ein krøker seg saman like før ein treff vassoverflata.

Laurdag gjekk konkurransen av stabelen, og det var stor interesse blant festivalpublikummet i Våge. På toppen av veteranbåten MS «Sunnhordland» var det bygd ei rampe som deltakarane fryktlaust kasta seg ut ifrå. Stupa frå den elleve meter høge rampa skapte både gisp, latter og applaus blant publikum.


Nøgde deltakarar

Konkurransen samla nokon av dei beste dødsarane i verden, og det var like god stemning blant deltakarane som blant publikum.

– Dette er den feitaste lokasjonen eg nokon gong har dødsa, fortel Trygve Kolås, som tok turen heilt frå Trøndelag for å vera med.

Han får støtte frå dødsekollega Miriam Hamberg.

– Det var heilt sykt. Eg har aldri hoppa frå ein slik båt før, seier ho.

Trygve enda opp med eit solid blåmerke på låret etter ein vond landing, men fortel at det ikkje er uvanleg for han.

– Eg er nok på sjukehuset to gongar i året. Eg er ikkje den beste dødsaren, men eg er den dummaste, seier den fornøgde utøvaren.


Kjem tilbake

Både Trygve og Miriam var godt nøgde både med dødserampa, folkelivet og ramma for konkurransen i Våge.

– Det er bra når det er litt fest, fortel Miriam.

Det er nok eit fåtall av dei mange publikummarane, journalisten inkludert, som hadde turt å kasta seg ut på den måten frå elleve meter.

– Kva som får dykk til å driva på med dette?

– Adrenalin og merksemdssjuke, seier Tryge smilande.

Han er også klar for ein ny runde på Tysnes neste sommar.

– Eg er klar neste sommar, avsluttar han.










LUFTIGE SVEV: Laurdag vart Døds Challenge Tysnes arrangert, og konkurransen vart både spektakulær og underhaldane.
LUFTIGE SVEV: Laurdag vart Døds Challenge Tysnes arrangert, og konkurransen vart både spektakulær og underhaldane.
SHOW: – Eg er ikkje den beste, men eg er den dummaste, fortel Trygve Kolås, som her er i eit av sine svev.
SHOW: – Eg er ikkje den beste, men eg er den dummaste, fortel Trygve Kolås, som her er i eit av sine svev.
HØGT: Deltakarane hoppa frå ein elleve meter høg rampe på toppen av MS «Sunnhordland». (Foto: Ella Sandra Dahl Berland)
HØGT: Deltakarane hoppa frå ein elleve meter høg rampe på toppen av MS «Sunnhordland». (Foto: Ella Sandra Dahl Berland)
SPEKTAKULÆRT: Litt av hensikten med døds er at det skal sjå ut som ein går inn for eit realt mageplask.
SPEKTAKULÆRT: Litt av hensikten med døds er at det skal sjå ut som ein går inn for eit realt mageplask.
BEST: Sjølv om show-faktoren var det viktigaste, var det likevel mykje jubel hos vinnaren Werner Gröhn frå Finland.
BEST: Sjølv om show-faktoren var det viktigaste, var det likevel mykje jubel hos vinnaren Werner Gröhn frå Finland.
I LUFTA: Publikum i Våge fekk sjå mange spektakulære svev.
I LUFTA: Publikum i Våge fekk sjå mange spektakulære svev.
STEMNING: Miriam Hamberg var godt nøgd med folkelivet under konkurransen.
STEMNING: Miriam Hamberg var godt nøgd med folkelivet under konkurransen.
NYTT UNDER TYSNESFEST: Døds Challenge Tysnes er eit samarbeid mellom Tysnesfest og International Døds Federation.
NYTT UNDER TYSNESFEST: Døds Challenge Tysnes er eit samarbeid mellom Tysnesfest og International Døds Federation.
DØDSARAR: Trygve Kolås og Miriam Hamberg var strålande nøgd med å hoppa frå veteranskipet.
DØDSARAR: Trygve Kolås og Miriam Hamberg var strålande nøgd med å hoppa frå veteranskipet.
UNDERHALDNING: Sveva skapte både gisp, latter og applaus hos publikum.
UNDERHALDNING: Sveva skapte både gisp, latter og applaus hos publikum.
PAUSENUMMER: På slutten av konkurransen, før vinnaren vart lansert, tok sjølvaste Staysman & Lazz turen innom rampa.
PAUSENUMMER: På slutten av konkurransen, før vinnaren vart lansert, tok sjølvaste Staysman & Lazz turen innom rampa.
FOLKEHAV: Mange festivaldeltakarar hadde møtt fram for å få med seg dødsekonkurransen i Våge. (Foto: Ella Sandra Dahl Berland)
FOLKEHAV: Mange festivaldeltakarar hadde møtt fram for å få med seg dødsekonkurransen i Våge. (Foto: Ella Sandra Dahl Berland)

Siste saker Gå til framsida

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...