MAGISK: Marthe Wang leverte song etter song med høg gåsehud-faktor då ho avslutta Tysnesfest-programmet i kulturkyrkja på Onarheim søndag.
MAGISK: Marthe Wang leverte song etter song med høg gåsehud-faktor då ho avslutta Tysnesfest-programmet i kulturkyrkja på Onarheim søndag.

– Ho var magisk, rett og slett!

Det seier Åse Lillian Espevik om Marthe Wang sin avslutning av Tysnesfest i kulturkyrkja på Onarheim søndag.
Publisert 14.07.2019 kl. 20.59. Oppdatert kl. 21.04.

– Me visste ikkje heilt kva me gjekk til, men no er eg så utruleg glad for at eg tok turen, seier Åse Lillian.

Ho sat på første rad og tok inn magien i lag med venninna Michaela Naunheim. Ingen av dei hadde høyrd om Marthe Wang, men no er dei frelst.

– Ho er definitivt dyktig! Eg likte tekstane, melodiane, og stemmen hennar vanvittig godt. Det var ei magisk oppleving, smiler Åse Lillian.

– Ja, me er glade for at me satte oss på første rad. Og denne kyrkja er ein veldig bra plass for ei slik oppleving, tilføyer Michaila.


På topp tre

Dei to har vore med på nesten alt frå Tysnesfest-programmet.

– Eg likar Tysnesfest veldig godt, og det er kjekt å få oppleva så mange flinke kunstnarar, seier Michaela.

– Marthe Wang er definitivt på topp tre-lista mi over festivalhøgdepunkt, legg Åse Lillian til.

– Pluss onsdagen med Terje Wigen. Og heile torsdag. Det var fantastisk å runda av med ein ny favoritt. Ho har verkeleg gripande tekstar, smiler ho.

– Eg sat med tårar i auga. No skal eg heim til Spotify og lagra henne der.


Stor fanskare

Etter praten med «Tysnes» fekk Åse Lillian signert CD og tatt eit foto i lag med Marthe Wang.

Ho var ikkje den einaste. Faktisk så måtte artisten ta imot ein kø av publikum som ville helsa på ho og få signert CD.

– Det har vore fantastisk fint å spela her, seier artisten sjølv om opplevinga i Onarheim kyrkje.

Bergens-artisten vart teke godt imot også på sjukeheimen tidlegare på dagen, der ho spelte før avslutningskonserten i kulturkyrkja.

– Det var kjekt å sjå to forskjellige sider av øya, smiler ho.


Tysnes-minne

Blant alle dei flotte songane som Marthe Wang framførte var «Det gjelder deg», som handlar om å ta inn livet rundt oss. Og med songen hadde ho ei forteljing frå Tysnesfest på lager.

– Eg har vore med på Tysnesfest ein gong før, og då sa kameraten min noko om kva som skjedde ved Tysnes Sparebank-banneret. Eg såg ikkje banneret, og då skjønte eg at eg trengte briller, seier ho.

– Så eg kan takka Tysnes Sparebank for at eg kan ta inn alle desse sansane.




STORT TALENT: Artisten fekk fortent ros frå publikum for sin gode samansetjing av forteljande tekst, vakre melodiar og god stemme.
STORT TALENT: Artisten fekk fortent ros frå publikum for sin gode samansetjing av forteljande tekst, vakre melodiar og god stemme.
PÅ FØRSTE RAD: Venninnene Michaela Naunheim og Åse Lillian Espevik sat på første rad og tok inn den magiske musikken til Marthe Wang.
PÅ FØRSTE RAD: Venninnene Michaela Naunheim og Åse Lillian Espevik sat på første rad og tok inn den magiske musikken til Marthe Wang.
DAGEN REDDA: Åse Lillian sin dag vart så bra som den kunne bli då ho fekk signert CD og teke eit foto i lag med sin nye favorittartist.
DAGEN REDDA: Åse Lillian sin dag vart så bra som den kunne bli då ho fekk signert CD og teke eit foto i lag med sin nye favorittartist.
FANKØ: Vivian Moe Dalaker og Guro Lillehaug var blant mange i publikum som kom bort for å takka artisten etter konserten.
FANKØ: Vivian Moe Dalaker og Guro Lillehaug var blant mange i publikum som kom bort for å takka artisten etter konserten.
PÅ GITAR: Markus Lillehaug Johnsen akkompagnerte Marthe Wang på gitar.
PÅ GITAR: Markus Lillehaug Johnsen akkompagnerte Marthe Wang på gitar.
PÅ TROMPET: Jonas Kilmork Vemøy hadde ansvaret for trompet og slagverk.
PÅ TROMPET: Jonas Kilmork Vemøy hadde ansvaret for trompet og slagverk.

Siste saker Gå til framsida

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...