PÅ FYRSTE RAD: Frida og Mikkel Walde hadde sikra seg gode plassar under årets Ausekarane-show, «Ferjelaus og steik forbanna».
PÅ FYRSTE RAD: Frida og Mikkel Walde hadde sikra seg gode plassar under årets Ausekarane-show, «Ferjelaus og steik forbanna».

– Dei er sjukt vittige!

Det seier Frida Walde om Ausekarane. Fredag hadde ho og broren Mikkel sikra seg plass heilt fremst ved scenen til årets show.
Publisert 15.07.2019 kl. 15.30.

Ikledd matchande Ausekarane-t-skjorter sat dei begge og gledde seg svært mykje til at showet skulle byrja.

– Me har sett dei fleire gongar tidlegare, mellom anna på Tysnesfest i fjor. Tor Endresen er grandonkelen vår, forklarte dei.

– Det som er så kjekt med dei er at dei er litt gale, morosame og spelar god musikk, heldt dei fram i augneblinken før Ausekarane entra scenen.


Tysnesfest-veteranar

– I år trur eg det er tiande gongen me er her, gliste Bjørn Jensen frå scenen.

På spørsmålet om publikum var klare for at dei skulle koma att også til neste år, fekk han eit rungande ja, og han konstaterte at dei allereie fekk notera seg eit nytt Tysnes-besøk i kalenderen.

Jensen og resten av Ausekarane, beståande av Tor Endresen, Espen Vågstål (trommer), Tore Mæhle (bass/kor), Svein-Tore Hindenes (trekkspel/tangentar/kor) og Jan Arne Knutsen (gitar/mandolin/banjo) stilte i år med eit nytt show, «Ferjelaus og steik forbanna». Framsyninga fall tydeleg i smak hjå dei frammøtte, som til stadigheit lo av frontfigurane Jensen og Endresen sine raske replikkar og morosame tekstar.


Utselt

Showmennene, som tidlegare år har vore å sjå i Bermudateltet to dagar under Tysnesfest, og i 2016 også på Gjerstad, hadde i år berre eitt show. Dermed vart det trongt om plassen i teltet, og det var heilt utselt i det dørene opna

Men om det var noko trongt om plassen, la ikkje det ein dempar på stemninga, og det var høg allsong-faktor gjennom heile showet. Blant songane som vart spelte var sjølvsagt «Tysnes», Tor Endresen sin hyllest til øya.


TYSNESVETERANAR: I følgje Bjørn Jensen var det tiande gongen Ausekarane underheldt på Tysnes.
TYSNESVETERANAR: I følgje Bjørn Jensen var det tiande gongen Ausekarane underheldt på Tysnes.
FULLT: Det var mange som ville få med seg Bjørn Jensen, Tor Endresen og resten av gjengen i Ausekarane fredag under Tysnesfest.
FULLT: Det var mange som ville få med seg Bjørn Jensen, Tor Endresen og resten av gjengen i Ausekarane fredag under Tysnesfest.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...