GUDSTENESTE PÅ MANDELHUSET: Søndag var det dagen-derpå-gudsteneste, tradisjonen tru. I år vart gudstenesta halden på Mandelhuset, slik som då det starta for mange år sidan. (Alle foto: Ella Sandra Dahl Berland)
GUDSTENESTE PÅ MANDELHUSET: Søndag var det dagen-derpå-gudsteneste, tradisjonen tru. I år vart gudstenesta halden på Mandelhuset, slik som då det starta for mange år sidan. (Alle foto: Ella Sandra Dahl Berland)

Stort frammøte på dagen-derpå-gudstenesta

Tradisjonen tru var det mange som møtte opp for ein roleg start på søndagen etter ei lang festivalveke.
Publisert 15.07.2019 kl. 15.03.

I år vart dagen-derpå-gudstenesta halden på Mandelhuset.

– Det er flott å ha det her på Mandelhuset, midt i eit pulserande liv og med ferjekøen i bakgrunnen. Det var her me starta det, seier prest Marit I. Espedalen.

Espedalen snakka om å passa på flokken og å sjå etter kvarandre, og la vekt på kor ekstra viktig det har vore under Tysnesfest.

– Me kan takka Gud inni oss for at det ikkje har vore dei store hendingane, og at det har gått bra i år òg, seier ho.

Forutan presten sin tale vart det musikalske innslag med Tone-Lise Johnsen, Nick Hughes og André Eide.

Sigrid Beate Tveit Eskeland var på gudstenesta med sonen Tore Kristoffer (11) og mannen Øyvind Harald Eskeland. Dette har dei vore med på i mange år.

– Det er viktig det presten snakka om, å ta vare på kvarandre. Om nokon fell utanfor er det viktig å ta dei inn igjen, spesielt under Tysnesfest, seier ho.

Sigrid Beate syntest at gudstenesta var ei veldig fin avslutning på Tysnesfest.

– Og ei viktig motvekt til ein del av det som skjer på festivalen, avsluttar ho.




KJEM KVART ÅR: Sigrid Beate Tveit Eskeland, Tore Kristoffer (11) og Øyvind Harald Eskeland har gått på dagen-derpå-gudsteneste i mange år. Til venstre: Sigrid Gjerstad.
KJEM KVART ÅR: Sigrid Beate Tveit Eskeland, Tore Kristoffer (11) og Øyvind Harald Eskeland har gått på dagen-derpå-gudsteneste i mange år. Til venstre: Sigrid Gjerstad.
VAKKERT: Mange fekk tårer i augo då Tone-Lise Johnsen framførte «Gabriellas sång» under gudstenesta.
VAKKERT: Mange fekk tårer i augo då Tone-Lise Johnsen framførte «Gabriellas sång» under gudstenesta.
PÅ TROMPET: Nick Hughes spelte «Con Te Partiro (Time to say Goodbye)» av Andrea Bocelli.
PÅ TROMPET: Nick Hughes spelte «Con Te Partiro (Time to say Goodbye)» av Andrea Bocelli.

Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...