TIX: Andreas Haukeland, betre kjent som TIX, har skapt eit namn for seg i norsk musikkbransje dei siste åra. (Pressefoto)
TIX: Andreas Haukeland, betre kjent som TIX, har skapt eit namn for seg i norsk musikkbransje dei siste åra. (Pressefoto)

TIX til Tysnesfest 2020

Tysnesfest ligg ikkje på latsida. Dagen etter at festivalen er over, slepper dei den første artisten til neste års festival.
Publisert 15.07.2019 kl. 16.00.

Rekneskapstala til Tysnesfest er ikkje klare endå, men ifølge dagleg leiar i festivalen, Øystein Vaage, ser det lovande ut.

– Alle piler peiker oppover, så me køyrer i gang med fyrste artistslepp allereie no! skriv Vaage i ei pressemelding.

TIX står blant anna bak superhits som «Sweet but psycho» (Ava Max) og «Game Time» (Flo Rida). Ifølge festivalen har den siste hiten hans, «Jeg vil ikke leve», allereie over fem millionar strøymingar på Spotify.

I pressemeldinga står det at TIX valde artistnamnet sitt fordi han har diagnosen Tourettes syndrom, som gjer at ein får «tics», ufrivillige samantrekkingar av muskulaturen i ansiktet eller halsen.

I tillegg til artistsleppet, legg festivalen dei første «early bird»-billettane ut for sal allereie i dag måndag, så folk kan vera tidleg ute med å sikra seg billettar til Tysnesfest 2020.


Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...