FORNØGD: I fire år har Knut Nesland i Lunde bygdalag engasjert seg for skate-og triksesykkelparken som skal omkrinsa ballbingen i Lunde. No har bygdalaget fått innvilga søknaden dei sende til fylkeskommunen.
FORNØGD: I fire år har Knut Nesland i Lunde bygdalag engasjert seg for skate-og triksesykkelparken som skal omkrinsa ballbingen i Lunde. No har bygdalaget fått innvilga søknaden dei sende til fylkeskommunen.

347.000 kroner til skatepark

No er Lunde bygdalag eit stort skritt nærare å få skatepark og triksesykkelbane.
Publisert 15.07.2019 kl. 06.00.

Det er fire år sidan Knut Nesland i Lunde bygdalag starta prosessen med å søkja om midlar til skate- og BMX-park. Søknaden til fylkeskommunen har blitt avslått to gongar, men han har ikkje gitt seg.

– Eg har høyrt at det gjeld å ikkje gi opp, så eg har fortsett å søkja, sjølv om me fekk avslag dei to første åra, seier Nesland.

I juni fekk bygdalaget endeleg eit positivt svar på søknaden, og får innvilga 347.000 kroner til anlegget.

– Dette er kjempegreier. Me har jobba for dette i fire år, og no ser me fram til å starta arbeidet.

Arbeidet med skateparken kjem til å kosta rundt éin million, medrekna dugnad og lokale bidrag.

– Me håpar å starta anleggsarbeidet allereie til hausten, seier ein fornøgd Nesland.


Siste saker Gå til framsida