GLADGJENG FRÅ STORD: Då «Tysnes» hadde ein tur i hamna på marknadsdagen laurdag trefte me denne herlege gjengen frå Stord. F.v. Knud Dahl, Leif Helland, Silje H. Dahl, Kristian Gangberg, Ida Marie Dahl (10), Synnøve Helland og Aleksander Dahl (8). (Foto: Ella Sandra Dahl Berland)
GLADGJENG FRÅ STORD: Då «Tysnes» hadde ein tur i hamna på marknadsdagen laurdag trefte me denne herlege gjengen frå Stord. F.v. Knud Dahl, Leif Helland, Silje H. Dahl, Kristian Gangberg, Ida Marie Dahl (10), Synnøve Helland og Aleksander Dahl (8). (Foto: Ella Sandra Dahl Berland)

– Det er kjekt at det er noko for alle

Strålande vér og eit yrande folkeliv sette sitt preg på marknadsdagane og hamnebiletet i Tysnesfest-helga.
Publisert 16.07.2019 kl. 17.29. Oppdatert 17.07.2019 kl. 08.15.

– Me storkosar oss! ropa ein gjeng frå Stord som hadde båtplass midt i smørauget i helga.

Gladgjengen var ikkje vanskeleg å få auge på då «Tysnes» svippa innom hamna på marknadsdagen i Våge laurdag.

Det var marknadsdagar både fredagen og laurdagen under Tysnesfest, og folk kunne mellom anna ta turen innom salsbuene, sjå på veteranbilar og få med seg Ta Sjansen fredag og Døds Challenge Tysnes laurdag. Dei yngste tysnesfestarane fekk treffa sjonglørar, trollet Trollala og matrosen Skrubbe Dekk.

Mange gjorde som gjengen får Stord, og kosa seg med båtlivet mellom slaga.

– Det er kjekt at det er noko for alle, seier Knud Dahl.

Ida Marie (10) og Aleksander (8) har vore på tivoli og kosa seg med is, og det syntest dei var veldig kjekt.

– Og me har smakt på mykje god lokalmat, legg dei vaksne til.

Det gøyaste så langt meiner Ida Marie og Aleksander var tivoliet og Ta Sjansen.

– Me sat frå båt og såg Ta Sjansen. Det var heilt rått!

– Ja me var veldig heldige med båtplassen, meiner Knud.








MUSIKALSK: Bergen Pipes & Drums bidrog til god stemning i hamna laurdag. (Foto: Camilla Korsnes)
MUSIKALSK: Bergen Pipes & Drums bidrog til god stemning i hamna laurdag. (Foto: Camilla Korsnes)
GJØGLAR: Det var mykje moro for både stor og små i hamna. Denne sjongløren viste fram kunstane sine for dei minste. (Foto: Øyvind Bjerkestrand)
GJØGLAR: Det var mykje moro for både stor og små i hamna. Denne sjongløren viste fram kunstane sine for dei minste. (Foto: Øyvind Bjerkestrand)
GLITTER OG STAS: Denne kule jenta ved namn Kaja Åse Tysnes (15) storkoste seg på marknadsdagen laurdag. (Foto: Ella Sandra Dahl Berland)
GLITTER OG STAS: Denne kule jenta ved namn Kaja Åse Tysnes (15) storkoste seg på marknadsdagen laurdag. (Foto: Ella Sandra Dahl Berland)
POPULÆR: Etter Ta Sjansen-konkurransen fredag, var det mange unge som ville ha selfie med Preben Fjell, som er kjent frå youtube-duoen «Prebz og Dennis». (Foto: Øyvind Bjerkestrand)
POPULÆR: Etter Ta Sjansen-konkurransen fredag, var det mange unge som ville ha selfie med Preben Fjell, som er kjent frå youtube-duoen «Prebz og Dennis». (Foto: Øyvind Bjerkestrand)
GLIS: Ved banken var mange flotte veteranbilar stilt ut laurdag. (Foto: Øyvind Bjerkestrand)
GLIS: Ved banken var mange flotte veteranbilar stilt ut laurdag. (Foto: Øyvind Bjerkestrand)
TROLL-MORO: Trollala var til stades på Tysnesfest for å underhalda barna på festivalen. (Foto: Camilla Korsnes)
TROLL-MORO: Trollala var til stades på Tysnesfest for å underhalda barna på festivalen. (Foto: Camilla Korsnes)
FOLKEHAV: Våge hamn var full av folk under marknadsdagen. (Foto: Øyvind Bjerkestrand)
FOLKEHAV: Våge hamn var full av folk under marknadsdagen. (Foto: Øyvind Bjerkestrand)

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...