PÅ VEG TIL BERGEN: Statsraad Lehmkuhl er ein av båtane som deltar i Tall Ships Races. (Arkivfoto)
PÅ VEG TIL BERGEN: Statsraad Lehmkuhl er ein av båtane som deltar i Tall Ships Races. (Arkivfoto)

Tall Ships Races til Bergen

Publisert 19.07.2019 kl. 14.14.

Frå søndag til onsdag blir Bergen igjen fylt med nokre av dei største og vakraste seglskutene i verda, når The Tall Ships Races går av stabelen. Mat, kulturinnslag og ei rekkje aktivitetar står på programmet, og truleg vert det nok ein gong sild i tønne-tilstandar i byen mellom dei sju fjell.

Før skipa kjem til Bergen, skal dei mellom anna ha stopp ved Rosendal, Leirvik og Bekkjarvik, noko som betyr at det blir mykje skipstrafikk gjennom Langenuen i dag og i morgon, før båtane kjem fram til Bergen.

Ifølgje Sail Training Internationals sin live-tracker er deltakarbåtane i skrivande stund spreidd langs heile kysten mellom Stavanger og Bergen, og fleire har skip har tatt turen innom Hardangerfjorden.

Skal du ut og sjå på båttrafikken gjennom Langenuen? Send oss gjerne eit bilete til redaksjonen@tysnesbladet.no, eller del i vårt kommentarfelt på Facebook.


Siste saker Gå til framsida

Skal tilsetja to nye sjukepleiarar

Tysdag vedtok formannskapet eit endeleg budsjettframlegg. Framlegget inkluderte mellom anna at kommunen opprettar to nye faste sjukepleiarstillingar.