UOVERSIKTLEG: Den smale svingen ved rundkøyringa inn mot Vågsneset er veldig uoversiktleg, og er éin av grunnene til at Sjur André Dalland etterspør snarlege fartsreduserande tiltak på strekninga mot Vågsneset. (Foto: Ella Sandra Dahl Berland)
UOVERSIKTLEG: Den smale svingen ved rundkøyringa inn mot Vågsneset er veldig uoversiktleg, og er éin av grunnene til at Sjur André Dalland etterspør snarlege fartsreduserande tiltak på strekninga mot Vågsneset. (Foto: Ella Sandra Dahl Berland)

Ber om snarlege tiltak for fartsreduksjon

Sjur André Dalland etterspør fartsreduserande tiltak på vegen til Vågsneset i Våge.
Publisert 21.07.2019 kl. 06.00. Oppdatert kl. 09.21.

I eit brev til kommunen si avdeling for eigedom og tekniske tenester datert 9. juli 2019, ber Dalland om at det snarast råd blir iverksett ei løysing.

– Det er langt på overtid å få utarbeida tiltak på vegen, meiner Dalland.

Busetnaden langs vegen har auka, og det har kome til fleire barnefamiliar med småbarn.

– Ein kan peika på bygningsmassen sin nærleik til veg, uoversiktleg vegbane, uoversiktlege utkøyrsler og ikkje minst barn og barnefamiliar som bur, leikar og ferdast langs vegen, begrunnar han.

– Det skulle ikkje vera naudsynt å venta på at ei hending skal inntreffa før ein gjer tiltak.

Dalland ber om at det i første omgang vert laga ein skilta maksimumsfartsgrense på 30 km/t.

– Aller helst så lågt som 20 km/t.

Han ser òg for seg at det blir sett opp skilt med «barn leikar» eller liknande, og at det vert anlagt fysiske fartshindringar i vegbanen i samsvar med fastsett fartsgrense.

Torfinn Kongsvik, einingsleiar for drift og vedlikehald, seier til «Tysnes» at kommunen kjem til å sjå på saka og ta ei intern vurdering av moglege tiltak på vegen.

– Me ser behovet for at det vert utført tiltak, seier Kongsvik.


Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...