TRENING: Det var ein spent gjeng som trente på Reiso tysdag. Foran frå venstre: Stine Erstad, Yosan Ghirmay, Parya Sakhizade, Alma Vermedal, Tuva Hatteberg-Olsen, Tora Austvik og Louise Vermedal. Bak frå venstre: Knut Nesse, Geir Austvik, Ingebrigt Vermedal, Martha Austvik, Brita Austvik, Heran Ghirmay, Milena Titoka, Ingvil Vermedal, Anna Olea Fjeldet Sunde og Mia Madelein Nesse Torgersen. I tillegg skal også Mia Helvik, Elise Dalen, Michelle Loftskjær, Benedikte Heimli, Hanna Langballe og Maria Andronikidu vera med til Norway Cup.
TRENING: Det var ein spent gjeng som trente på Reiso tysdag. Foran frå venstre: Stine Erstad, Yosan Ghirmay, Parya Sakhizade, Alma Vermedal, Tuva Hatteberg-Olsen, Tora Austvik og Louise Vermedal. Bak frå venstre: Knut Nesse, Geir Austvik, Ingebrigt Vermedal, Martha Austvik, Brita Austvik, Heran Ghirmay, Milena Titoka, Ingvil Vermedal, Anna Olea Fjeldet Sunde og Mia Madelein Nesse Torgersen. I tillegg skal også Mia Helvik, Elise Dalen, Michelle Loftskjær, Benedikte Heimli, Hanna Langballe og Maria Andronikidu vera med til Norway Cup.

Klare for cup-eventyr

Til helga vert Norway Cup sparka i gang, og Njardar/Tysnes sender i år to jentelag til turneringa.
Publisert 26.07.2019 kl. 12.00.

– Me satsar på å gjera det bra, seier Tuva Hatteberg-Olsen.

Tysdag gjennomførte ho og tolv av dei 18 andre Norway Cup-klare Njardar-jentene si siste treningsøkt før avreise til Oslo og Ekebergsletta. Frå 27. juli til 3. august går den tradisjonsrike fotballcupen av stabelen, og som i fjor er Tysnes godt representert. Men medan det i fjor var Gutar 13-laget som fekk prøva seg, er det i år jentene som tek over showet.

– Me sender eitt lag i J13/14-klassen, og eitt i J15/16-klassen, og begge laga skal spela 7ar-fotball, fortel Geir Austvik, som er ein av lagleiarane som reiser til Oslo med dei unge fotballspelarane.


Spente spelarar

Dei to laga har trent saman heile sommaren, og heile gjengen på 19 spelarar skal reisa og bu i lag under cupen. Det er god stemning på den siste treninga, og heilt tydeleg at spelarane gler seg til avreise.

– Eg gler meg til å spela mot heilt andre lag enn dei me normalt speler mot, fortel Parya Sakhizade.

Ho og lagveninnene håper å gjera det bra, men er innstilt på at resultata ikkje er det viktigaste.

– Det viktigaste er å ha det gøy, seier Yosan Ghirmay.

Dei har likevel planen klar for kva dei må lukkast med om dei skal vinna og ta seg vidare i turneringa.

– Me er nødt til å prata i lag, seier Heran Ghirmay.

– Og så må me sentra, fortel Yosan.


Variert motstand

Turneringa startar med intense gruppespel frå søndag til tysdag, før sluttspelet går i gang, og alle lag går vidare enten til A- eller B-sluttspelet i sin klasse.

J15/16 speler tre kampar i gruppespelet. Fyrst mot Karasjok-laget AVJU på søndag, før Flekkefjord FK og Molde-laget Rival står på motsett banehalvdel dei neste dagane.

J13/14-laget får derimot ein ekstra motstandar i gruppespelet, og har også nokre ekstra kjente motstandarnamn å bryna seg på. Dei møter Lom 2 søndag, før dei skal ut mot «heimelaget» Lyn dagen etter. J13/14 avsluttar gruppespelet med to kampar tysdag. Fyrst mot Hødd, og deretter mot Gaular.

Onsdag startar sluttspelet, og begge laga er sikra minst éin kamp til i enten A- eller B-sluttspelet. For å koma til det gjevaste sluttspelet må ein hamna blant dei to beste i gruppespelet.

Trenar Austvik har stor tru på laga sine, og spesielt på dei yngste jentene, som i år har spelt i fyrste divisjon i det ordinære seriespelet.

– Målsettinga er at dei skal koma til A-sluttspelet. J15/16-laget skal ut å gjera så godt dei kan, men det er kanskje meir realistisk at dei endar opp i B-sluttspelet, fortel han.


Ser fram til cup

Med forventa temperaturar opp mot 30 gradar i helga, var tysdag kveld den rette dagen å gjennomføra siste treningsøkt for jentelaga. Etter ein grå start på dagen gjorde varmen verkeleg sitt inntog på Reiso, og hyppige vasspauser vart ein viktig del av ei elles roleg trening.

Medan jentene speler sju mot sju på den eine halvdelen av grasbanen, står trenartrioen på sidelinja og følgjer med. Saman med Geir Austvik er det Knut Nesse og Ingebrigt Vermedal som utgjer lagleiarteamet, og det er tydeleg at dei ser fram til å gå i gang med cupen.

– Det vert gøy det. Det vert både fotball og ferie, seier Knut.


Sosialt

Sjølv om ein tur til Norway Cup inneber mykje fotballspeling, ser både spelarar og trenarar fram til det sosiale livet utanfor fotballbanen. Det er mellom anna stor interesse blant jentene for å få med seg opningsshowet laurdag.

– Me skal få med oss opningsshowet, seier Mia Madelein Nesse Torgersen.

– Der er det mange gode artistar som skal opptre, fortel Tuva Hatteberg-Olsen vidare.

Blant artistane finn ein kjente namn som Chris Holsten, Adelén og Morgan Sulele, samt TIX, som nyleg vart bekrefta til Tysnesfest neste år.

Tuva har stor tru på at Oslo-turen vert ei stor oppleving, og ho gler seg til den sosiale biten.

– Me skal prøva å verta kjent med folk, og få nye vener, fortel ho.


TEAMTALK: Trenar Geir Austvik tok tysdag den siste praten med jentene før avreisa til Oslo.
TEAMTALK: Trenar Geir Austvik tok tysdag den siste praten med jentene før avreisa til Oslo.
KLAR: Parya Sakhizade gler seg til å møta nye motstandarar frå heile landet.
KLAR: Parya Sakhizade gler seg til å møta nye motstandarar frå heile landet.
KAMP OM BALLEN: Tuva Hatteberg-Olsen (t.v.) og Milena Titoka hadde fleire tette duellar med kvarandre på treninga tysdag.
KAMP OM BALLEN: Tuva Hatteberg-Olsen (t.v.) og Milena Titoka hadde fleire tette duellar med kvarandre på treninga tysdag.
TO LAG: Njardar/Tysnes sender i år 19 jenter fordelt på to 7ar-lag til Norway Cup. Deriblant Louise Vermedal som her har ballen.
TO LAG: Njardar/Tysnes sender i år 19 jenter fordelt på to 7ar-lag til Norway Cup. Deriblant Louise Vermedal som her har ballen.

Siste saker Gå til framsida

Fotominne frå Langeland

Staden er Langeland og året 1970. Hesten og den gamle slåmaskinen heldt på denne tida framleis stand i jordbruket, fortel Harry Solberg, som har sendt oss dette kjekke bildet. Det er Jens Langeland som held i taumane, og borna på høykjerra er syskena Solberg frå Odda. Har du eit bilete frå farne tider som fortener å koma på trykk? Send det til redaksjonen@tysnesbladet.no, og hugs...

Svar til innlegg i «Tysnes» 10. oktober 2019

«Til Tysnes for å takka for livslang basarstøtte». Leste dette innlegget, men her er det en del som må rettes opp. Starten på denne foreningen, Skårabasaren eller Frøydisbasaren som den og ble kalt, var fra tidlig i 50-årene, kanskje før. Da var det til inntekt for Santalmisjonen. Det var kvinnene på Tornes som...