IDEALTID: Elna Fulton (69) gjekk inn med tida 50.50. (Alle foto: Vetle Mikkelsen)
IDEALTID: Elna Fulton (69) gjekk inn med tida 50.50. (Alle foto: Vetle Mikkelsen)

Elna (69) kom nærmast idealtida

Mange trassa heten for å ta del i motbakkeløpet Blåbærhaugen opp i dag søndag.
Publisert 28.07.2019 kl. 16.09. Oppdatert kl. 19.40.

– Eg gjekk berre inn for å koma meg opp, sa Elna Fulton (69) til «Tysnes» søndag.

Ho gjekk inn på itda 50.50, og var dermed den som kom nærmast årets idealtid, som var på 51.19.

For anledninga hadde ho iført seg ein lett sommarkjole.

– Eg orka ikkje tanken på å dra på meg ei tung T-skjorte, sa bergensbuaren.

Elna er fleirårig deltakar på motbkkeløpet, og har òg tidlegare kome nærme idealtida, men i år var første gong ho var den som kom nærmast.

Sjølve løpet tok ho heilt i sitt eige tempo:

– Det er ikkje alltid at å springa opp er det beste, smilte ho lurt.

Bergensbuaren har hytte på Tysnes, og er ofte på øya:

– Eg er meir på Tysnes enn eg er i Bergen, sa ho.


Dratt med av mamma.

– Ho tvinger meg med, spøkte Eirik Skorpen.

Han og mora Wibecke Bakkane Skorpen deltok for 7. gong, og denne gongen sprang Eirik inn som nummer ein i mosjonsklassen.

– Kva motiverer dykk til å delta?

– Eg prøver jo å få ungane med, sa Wibecke, som sjølv er glad i å gå tur på fritida.

– Eg pleier å gå mest til Salsborgjo, sa ho.


Kjekt arrangement

– Eg har vore med alle åra, sa Marianne Frønsdal frå Bergen.

Ho og familien har hytte på Tysnes, og har tradisjon for å delta på Blåbærhaugen opp. I år blei ho likevel nøydd til å gå åleine i mosjonsklassen:

– Barna ville prøva seg på konkurranseklassen. Det er første gong, og blir nok ei varm oppleving, sa ho.

– Dette er eit veldig kjekt arrangement. Det er kjekt å vera med på, heldt ho fram.

Ho la til at det òg var hakket mindre folk enn vanleg, sannsynlegvis på grunn av heten.


– Målet er alltid å vinna

Den første i konkurranseklassen som kom springande inn, var Johan Løve Gjersvik. Han sprang seg inn på tida 16.39, åtte sekund raskare enn den gamle rekorden frå fjoråret.

– Eg gjekk inn for å springa i mitt eige tempo, sa Johan, som sjølv trener på langdistanseløping nesten kvar dag.

– Korleis kjennest det å vera førstemann inn?

– Det er alltid gøy å vinna. Målet er alltid å vinna, sa han.


Beste dame

– Det var veldig varmt, sa Marita Nygård, som sprang inn som første kvinne, med tida 22.04.

Ho har deltatt fleire gongar før, og vunne mange av dei gongane.

I dag la ho likevel inn eit lågare gir enn vanleg, på grunn av varmen:

– Eg hadde ikkje sjans til å gi på, sa ho, og la til at det nok blei bading i Onarheimsvatnet seinare.


Resultat jenter t.o.m 15 år

1. Anna Birkeland, 30.51

2. Mathilde Bryner Frønsdal, 36.57


Resultat gutar t.o.m 15 år

1. Johan Bryner Frønsdal, 25.45

2. Brede Røssland, 27.06

3. Isak Haugsbø, 30.03

4. Julian Bryner Frønsdal, 30.04

5. Lars Kristoffer Alsaker, 33.26

6. Simon Haugsbø, 37.12


Resultat damer 16-49

1. Marita Nygård, 22.04

2. Marthe Birkeland, 26.09

3. Irene Haugsbø, 27.18


Resultat menn 16-49

1. Johan Løve Gjersvik, 16.39

2. Anders H. Magnussen, 19.27

3. Vegard H. Magnussen, 20.05

4. Even Laukhamar, 20.43

5. Stanislav Sletteskog, 25.06


Resultat menn 50+

1. Kurt Brekke, 19.35

2. Jarle Botnevik, 25.24

3. Nils Sletteskog, 26.26


FAMILIETUR: Wibecke Bakkane Skorpen drog sonen Eirik Skorpen med seg til Blåbærhaugen.
FAMILIETUR: Wibecke Bakkane Skorpen drog sonen Eirik Skorpen med seg til Blåbærhaugen.
BERGENSAR: Marianne Frønsdal skrytte av arrangementet.
BERGENSAR: Marianne Frønsdal skrytte av arrangementet.
FØRSTEMANN: Johan Løve Gjersvik fullførte løpet åtte sekund raskare enn den førre rekordinnehavaren.
FØRSTEMANN: Johan Løve Gjersvik fullførte løpet åtte sekund raskare enn den førre rekordinnehavaren.
VARM: Marita Nygård meinte dette måtte vera det varmaste Blåbærhaugen opp-arrangementet nokosinne.
VARM: Marita Nygård meinte dette måtte vera det varmaste Blåbærhaugen opp-arrangementet nokosinne.

Siste saker Gå til framsida

Leiar: God dialog med grunneigarane er nødvendig

Over 90 personar på folkemøte om E39-planane viser at det er heilt nødvendig at vegvesenet stiller på Tysnes for å informera om status for den nye stamvegen.Store delar av Tysnes har vore samde om at ein ny E39 bør gå gjennom kommunen vår. Kommunestyret i Tysnes har vore samrøystes på dette. Politikarane var og...