PÅ VEG INN: Her går presten og følget frå båten på OnarHamn. (Alle foto: Vetle Mikkelsen)
PÅ VEG INN: Her går presten og følget frå båten på OnarHamn. (Alle foto: Vetle Mikkelsen)

Presteskyss med ny prest

Søndag var det duka for eit attersyn med den tradisjonsrike skyss-tradisjonen.
Publisert 30.07.2019 kl. 17.00.

Onarheimsgildet blei, i år som andre år, avslutta med presteskyss og høgmesse i Onarheim kyrkje.

Nytt av i år var at Åse Selsvold, frå kyrkjekontoret på Stord, kom inn som vikar for sokneprest Marit Isaksen Espedalen.

Selsvold blei rodd inn til brygga ved Alsaker Fjordbruk, før Lars Mæland, for anledninga kledd i finstasen, heldt tale.

– På vegner av gildekomitéen, vil eg ønska presten velkomen, sa han.

– Tradisjonen tru, har ho blitt rodd frå Hauaneset til OnarHamn, heldt han fram.

Han oppsummerte årets gilde, som starta med Laksafesten til Gerhard Alsaker. Søndagen heldt det fram med motbakkeløpet Blåbærhaugen opp, før det som nemnt skulle bli avslutta med presteskyss og høgmesse.

I motsetning til i fjor, var det ikkje lagt opp til noko arrangement på laurdagen; i fjor hadde ein pubkveld i Seløystova denne dagen.

– Laurdagsarrangementet tok me ein månad på forskot, sa Mæland, og la til at han refererte til Spelet om Olavsgildet, som blei framført for vel ein månad sidan.

Mæland kunne fortelja at både Blåbærhaugen opp og den tradisjonelle pilegrimsferda til Onarheim hadde opplevd nedgang i deltakartalet, på grunn av heten; sistnemnde hadde berre tre deltakarar i år.

Mæland avslutta som vanleg med å lesa opp Bjørg Dalsgård sitt dikt om Onarheimsgildet.



HELDT TALE: Lars Mæland (til høgre) talte til dei frammøtte. Til venstre er prest Åse Selsvold.
HELDT TALE: Lars Mæland (til høgre) talte til dei frammøtte. Til venstre er prest Åse Selsvold.
ENGASJERTE TILHØYRARAR: Fleire hadde møtt opp for å ta del i opplegget rundt presteskyssen.
ENGASJERTE TILHØYRARAR: Fleire hadde møtt opp for å ta del i opplegget rundt presteskyssen.

Siste saker Gå til framsida

Mykje vatn over stemma

Regntida har visst innteke Tysnes også. Til tider har det nesten «bøtta» ned enkelte stadar dei siste par vekene.Nedbøren har periodevis vore veldig lokal, og ein har kunna opplevd tørr vegbane enkelte stadar og skikkeleg store vasspølar andre stadar i kommunen.Nedbøren viser godt att i dei lokale vassdraga. Ein tur forbi Onarheimsvatnet tysdag var eit godt døme på det. Då rann...

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.