KLAR TIL DYST: Pernilla Eugenie Epland skal denne helga forsvara tittelen som norgesmeister på 10.000 meter, når friidretts-NM går av stabelen på Hamar. Her frå eit tidlegare arrangement. (Arkivfoto: Eirik Førde)
KLAR TIL DYST: Pernilla Eugenie Epland skal denne helga forsvara tittelen som norgesmeister på 10.000 meter, når friidretts-NM går av stabelen på Hamar. Her frå eit tidlegare arrangement. (Arkivfoto: Eirik Førde)

Gler seg til å måla krefter med Therese Johaug

Til helga går NM i friidrett av stabelen. Tysnesing Pernilla Eugenie Epland skal då forsvara tittelen som norgesmeister på 10.000 meter.
Publisert 31.07.2019 kl. 15.00.

– Kva tenkjer du om å skulle forsvara ein slik tittel?

– Det blir veldig spennande. Eg veit ikkje om du har fått det med deg, men Therese Johaug er jo påmeld på 10.000 meter, svarer Pernilla.


Ein annleis konkurrent

I fjor vart NM i friidrett arrangert på Byrkjelo. Då imponerte Pernilla stort med å først ta bronsen på 5.000 meter, før ho to dagar seinare stakk av med den gjeve førsteplassen på 10.000 meter. I år går NM i friidrett føre seg på Hamar, og den snarføtte tysnesingen er klar til ny dyst.

– Korleis blir det å skulle springa mot Johaug?

– Det blir kjekt å måla krefter med ho. Sjølv om ho ikkje er van med å springa på bane, har ho jo ein vanvitig kapasitet, så det er klart ho er ein trussel. Det er jo jobben hennar å vera i god form, seier Pernilla, og legg til:

– Men eg skal gjera mitt løp, så får me sjå korleis det går.


Større felt på 5.000 meter

Også bronsen på 5.000 meter har Pernilla ambisjonar om å forsvara.

– Eg må ha ambisjonar om pallplass på 5 kilometer i år òg, konstaterer ho, og held fram:

– Det er ein del gode namn å konkurrera mot der òg, også er det kjekt at det blir eit litt større felt enn i fjor.


Høgdetrening i Sveits

Medan folk flest kanskje har vore på avslappande ferieturar i sommarvarmen, har Pernilla vore på treningsleir i Sveits i 16 dagar, for å førebu seg på konkurransen.

– Eg fekk trent bra i høgda i Sankt Moritz. Dei siste dagane har eg trent litt mindre, for å lada opp til helga, fortel ho.


Overraskande påmelding

At Therese Johaug melde seg på NM i friidrett, har fått ein del merksemd i media i det siste. Johaug melde seg på både fem og ti kilometer løp på bane, men fekk ikkje delta på 5.000 meter, fordi ho ikkje har oppfylt det formelle kravet til kvalifisering, som er eit tidskrav nådd gjennom deltaking på eit godkjent baneløp.

På 10.000 meter er det derimot fri påmelding, og dermed skal langrennsdronninga frå Dalsbygda få måla krefter med løpedronninga frå Tysnes.


Siste saker Gå til framsida

– Veldig skummelt

Hanne Sofie (11) og Milla (9) spelte heilt åleine for ein fullsett kulturkyrkje på den årlege julekonserten til Onarheim Musikklag.

Leiar: Skulesatsing er viktig for lokal optimisme

Tysnes kommune satsar 70 millionar på eit flunkande nytt mellomtrinn på Tysnes skule. Det er ei offensiv og positiv satsing på skulen i Tysnes.I sist veke blei det kjent at det er det byggjefirmaet Leigland Bygg frå nabokommunen Fusa som får oppdraget. Kontrakten skal skrivast under i komande veke. Då skal alt...

Starta ein ny tradisjon

Då Maren (10) skulle opptre på julekonserten i Tysnes kyrkje i kveld, blei ein ny tradisjon skapt for familien Lunde.