Illustrasjonsfoto. (Arkiv)
Illustrasjonsfoto. (Arkiv)

Stygg køyring i Kvam og arbeidsulukke i Fusa

Politibetjent Ole Jørgen Tvedt melder om ei roleg veke for politiet på Tysnes.
Publisert 31.07.2019 kl. 11.30.

– Det har stort sett vore Fusa og Norheimsund me har måtta reist inn til dei siste dagane, fortel han onsdag føremiddag.

Politiet har mellom anna fått inn fleire meldingar om stygg køyring, då spesielt farlege forbikøyringar, ved Mundheim og andre stader i Kvam.

– Eg har litt inntrykk av at det kjem inn fleire slike meldingar no om sommaren, utan at eg har tala framføre meg, seier Tvedt.

Elles rykte politiet ut til ei arbeidsulukke på eit oppdrettsanlegg for fisk ved Håvik i Fusa.

– Ein mann fekk ein gjenstand på 400 kilogram over kneet. Personen vart frakta med ambulanse til legevakta i Bergen, men me har ikkje fått nokon oppdatering om korleis det står til med vedkomande, fortel politibetjenten.


Siste saker Gå til framsida

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...