GRUNN TIL Å JUBLA: J13/14 går vidare til semifinalen i B-sluttspelet på Norway Cup. (Foto: Vidar Alfarnes)
GRUNN TIL Å JUBLA: J13/14 går vidare til semifinalen i B-sluttspelet på Norway Cup. (Foto: Vidar Alfarnes)

Vidare til semifinalen i B-sluttspelet

Dei yngste Norway Cup-jentene til Njardar/Tysnes rodde i land sigeren i kvartfinalen, og går vidare til semifinalen i B-sluttspelet.
Publisert 01.08.2019 kl. 11.05. Oppdatert kl. 17.44.

Klokka ti i dag begynte kampen mot Vanylven Fotballklubb, og i det 14. minuttet kom den første scoringen i kampen, då Njardar-spelar Milena Titoka sikra kampens einaste mål.

Laget har no spelt seks kampar, der tre har enda med siger, og tre har enda uavgjort.

– Det var berre uflaks at dei ikkje kom til A-sluttspelet. Og me ser at dei laga dei spelte uavgjort mot i puljespelet har gjort det bra i A-sluttspelet, fortel trenar Geir Austvik rett etter kampslutt.

Han seier at kvartfinalekampen var jamn og spennande, men tippa til slutt i Njardar/Tysnes sin favør.

– Både jentene, me trenarane og foreldra har hatt ei veldig flott turnering så langt, slår han fast.

Dei mange kampane begynner likevel å tæra på kreftene til dei unge fotballspelarane.

– Dei begynner å bli slitne no. Men dei koser seg og speler bra fotball. No skal dei slappa av og eta litt før semifinalen i ettermiddag, avsluttar han.

For dei eldste Njardar-jentene, J15/16, vart det onsdag ettermiddag endeleg ein siger å jubla for, då dei vann 3-1 mot Eina Sportsklubb. Lykken var derimot kortliva, for same kveld rauk dei ut i åttandedelsfinalen, då dei tapte 7-0 mot Vanylven Fotballklubb.


Siste saker Gå til framsida

Leiar: Skulesatsing er viktig for lokal optimisme

Tysnes kommune satsar 70 millionar på eit flunkande nytt mellomtrinn på Tysnes skule. Det er ei offensiv og positiv satsing på skulen i Tysnes.I sist veke blei det kjent at det er det byggjefirmaet Leigland Bygg frå nabokommunen Fusa som får oppdraget. Kontrakten skal skrivast under i komande veke. Då skal alt...

Starta ein ny tradisjon

Då Maren (10) skulle opptre på julekonserten i Tysnes kyrkje i kveld, blei ein ny tradisjon skapt for familien Lunde.