NM I FRIIDRETT: Pernilla Eugenie Epland deltok på 5.000 meter i dag, og enda på ein tredjeplass på distansen. (Begge foto: Ellinor Epland)
NM I FRIIDRETT: Pernilla Eugenie Epland deltok på 5.000 meter i dag, og enda på ein tredjeplass på distansen. (Begge foto: Ellinor Epland)

Ny NM-bronse på 5.000 meter

Sjølv om tida ikkje var like bra som i fjor, heldt det til bronse for Pernilla Eugenie Epland, som sprang 5.000 meter under NM i friidrett på Hamar i dag.
Publisert 02.08.2019 kl. 21.02. Oppdatert kl. 21.03.

Pernilla sprang inn på tida 17.00,80, om lag 17 sekund bak vinnaren. Til samanlikning sprang ho same distanse, under NM på Byrkjelo i fjor, på tida 16.21,38. Det var òg ny pers for tysnesingen. Slik skulle det ikkje bli i dag.

– Eg har slitt med beina i forkant av NM, så var veldig usikker på korleis det ville gå i dag. Det var ikkje ein spesielt god dag for min del, så då smakte bronsen ekstra godt, seier Pernilla etter endt løp.

Vinnar vart Maria Sagnes Wågan, med tida 16.42,99. Andreplassen tok Runa Skrove Falch, berre eitt sekund bak vinnaren, med tida 16.43,98.

Søndag ettermiddag skal Pernilla springa neste løp, som er 10.000 meter. På den distansen er ho regjerande norgesmeister.


BRONSE: – Det var ikkje ein spesielt god dag for min del, så då smakte bronsen ekstra godt, seier Pernilla.
BRONSE: – Det var ikkje ein spesielt god dag for min del, så då smakte bronsen ekstra godt, seier Pernilla.

Siste saker Gå til framsida

Jula er på veg

No byrjar juleprodukta å snika seg inn i butikkane, og «Tysnes» har observert både julebrus, kakemenn, julebrød og julepynt.

Forsømd båt i Humlevika

Svein Johannesen har tipsa oss om denne båten, som blei lagt i ein bøye i Humlevika mellom Galanten og Nes sommaren 2017. – Me har i desse åra aldri observert folk i båten. No i helga la me merke til at båten byrjar å få slagside, og det viser seg at presenningen er morkna og har store hol, slik at regnvatn fyller opp båten, skriv Johannesen. Med dette biletet på nett og papir...

– Spesielt å vera tilbake igjen

Isabel Epland Østby var éin av tysnesingane som tok turen «heim» då koret Ichtus frå Stord hadde songkveld i Jensvoll bedehus torsdag kveld.