Snakk om gode taparar. Njardar-jentene gratulerte Averøy med sigeren, og alle fekk klemmar og lukkeønskingar i finalen.
Snakk om gode taparar. Njardar-jentene gratulerte Averøy med sigeren, og alle fekk klemmar og lukkeønskingar i finalen.

Tapte finaleplass etter straffespark

Njardar-jentene har imponert stort heile veka, men hadde som kjent marginane mot seg i puljespelet. Ikkje uventa har dei sparka godt frå seg i B-sluttspelet.
Publisert 02.08.2019 kl. 09.00. Oppdatert kl. 09.05.

Seint i ettermiddag var det duka for semifinale mot Averøy. Eit fysisk sterkt mannskap, der mange av spelarane vart både høge og hadde bra med musklar. Innleiingsvis såg dei også ut til å vera hakket for gode for dei meir spedbygde jentene i gult. Men det var berre dei første minuttane.


Tok meir tak

Litt etter litt løfta Njardar seg inn i kampen, og vann fleire og fleire duellar. Men mange store sjansar vart det ikkje. Averøy hadde nokre skumle avslutningar etter hjørnespark og innlegg, medan Njardar var aller nærast då dei kom meir eller mindre aleine med målvakta til laget frå nordvestlandet.

Dermed ebba det ut med 0-0. To ekstraomgangar på fem minutt vart også mållause. Då var det ingen veg utanom straffar for å kåra ein av finalistane til B-finalen. Og då kan jo alt skje. Men uheldigvis for våre jenter starta det med ei Averøy-redning. Målvakta redda også den tredje straffa frå Njardar, men ballen spratt attende i mål, etter at ho gjekk vekk. Ei veldig merkeleg og svært heldig scoring, som heldt liv i finaledraumen.


Rørande gest

Men snart var alt håp ute. Fleire grein, andre trøysta så godt dei kunne, men litt etter litt kom dei fleste til hektene att. Det som som så skjedde var direkte rørande:

Njardar-spelarane gjekk på rekkje og rad bort til Averøy, og gratulerte dei med sigeren, gav alle ein klem og ønskte alt godt i finalen. Snakk om gode taparar. Det gjorde nok også stort inntrykk på den finaleklare gjengen.

– No er me sjølvsagt slitne og litt fortvila. Men det har vore ei fantastisk veke i Oslo, og me er meir enn klare for å kome att neste sommar. For å gjere det endå litt betre. Då spelar me gjerne 9ar-fotball i staden, fortalte dei spreke ungdomane.

Og ingen skal vera redd for at dei ikkje kjem til å vera like lette til beins neste sommar. Ein travel haustsesong i 1. divisjon ventar, og det er berre ein månad att til handballoppkøyringa startar. Der er dei aller fleste også med.


Tur til Slottsparken

Kvelden ville dei nytta til å ta seg ein tur ned i Slottsparken, for å sjå prinsesse Ingrid Alexandra sin skulpturpark. Der har nemleg klasseveninna til målvakt Stine Erstad fått på plass ein skulptur.

– Eg tippar Emma Sofie Nesse Torgersen er den einaste tysnesingen som kjem til å få ein skulptur i Oslo. I midten av september skal det vera ei offisiell opning av den ferdige parken, og då skal klassen vår vera med. Det blir med andre ord ny Oslo-tur på meg om kort tid, røpar jenta som heldt nullen mot Averøy. Berre tolv år gamal. På eit lag der mest alle er 2006-modellar, og der dei stort sett har spelt mot eitt år eldre jenter heile veka. Her snakkar me framtid.


Sommaren er attende på Ekebergsletta. Louise Vermedal Lunde sørga for å kjøla seg ned i pausen. Kapteinen spelte ein heilt fantastisk kamp i forsvaret, og Averøy-spelarane vart plaga kontinuerleg.
Sommaren er attende på Ekebergsletta. Louise Vermedal Lunde sørga for å kjøla seg ned i pausen. Kapteinen spelte ein heilt fantastisk kamp i forsvaret, og Averøy-spelarane vart plaga kontinuerleg.
Tette duellar og få sjansar prega kampen om B-finaleplassen.
Tette duellar og få sjansar prega kampen om B-finaleplassen.
Til slutt måtte det straffesparkkonkurranse til for å kåra ein vinnar. Det blei diverre ikkje Njardar.
Til slutt måtte det straffesparkkonkurranse til for å kåra ein vinnar. Det blei diverre ikkje Njardar.
Averøy var som ein ser på bilete ein gjeng med fysisk sterke spelarar. Men dei klarte likevel aldri å bryta ned Njardar-forsvaret.
Averøy var som ein ser på bilete ein gjeng med fysisk sterke spelarar. Men dei klarte likevel aldri å bryta ned Njardar-forsvaret.

Siste saker Gå til framsida

Svar til innlegg i «Tysnes» 10. oktober 2019

«Til Tysnes for å takka for livslang basarstøtte». Leste dette innlegget, men her er det en del som må rettes opp. Starten på denne foreningen, Skårabasaren eller Frøydisbasaren som den og ble kalt, var fra tidlig i 50-årene, kanskje før. Da var det til inntekt for Santalmisjonen. Det var kvinnene på Tornes som...