VEGARBEID: Onsdag var Bruntveit Maskin på plass for å reparera hòlet i vegen. (Foto: «Tysnes»-tipsar)
VEGARBEID: Onsdag var Bruntveit Maskin på plass for å reparera hòlet i vegen. (Foto: «Tysnes»-tipsar)

Vegen kollapsa etter mykje nedbør

Den kommunale vegen på Skorpo vart mellombels stengt på onsdag, etter at ei stikkrenne kollapsa og tok med seg halve vegbanen.
Publisert 08.08.2019 kl. 15.00.

– Det var mykje regn i området natt til onsdag, og høg vassføring, noko som førte til at ei stikkrenne kollapsa. Halve vegen var vekke, fortel Simen Bruntveit, eigar og dagleg leiar for Bruntveit Maskin, som onsdag var ute for å bøta på skadane.

Ein tipsar har sendt oss bilete av entreprenøren i sving onsdag ettermiddag.

– Vegen er mellombels fiksa, og open for trafikk. Den kjem til å bli stengt når me må grava den opp for å legga ned nye røyr. Dei ventar me på no, og håpar å ha alt på plass til måndag, fortel Bruntveit.

Skaden skjedde på den kommunale vegen som går frå Espevika til Laukhammar, ikkje lenge før ein kjem til Laukhamar Fritid.


Siste saker Gå til framsida

Mykje vatn over stemma

Regntida har visst innteke Tysnes også. Til tider har det nesten «bøtta» ned enkelte stadar dei siste par vekene.Nedbøren har periodevis vore veldig lokal, og ein har kunna opplevd tørr vegbane enkelte stadar og skikkeleg store vasspølar andre stadar i kommunen.Nedbøren viser godt att i dei lokale vassdraga. Ein tur forbi Onarheimsvatnet tysdag var eit godt døme på det. Då rann...

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.