ULUKKE: Ein motorsyklist velta i svingen nedst i Eredalen fredag kveld.
ULUKKE: Ein motorsyklist velta i svingen nedst i Eredalen fredag kveld.

OPPDATERT: Motorsykkelulukke i Eredalen

Førar er sendt til sjukehus, men er bevisst og oppegåande.
Publisert 09.08.2019 kl. 20.45. Oppdatert 10.08.2019 kl. 14.58.

Litt over klokka åtte fredag kveld melde Vest Politidistrikt på Twitter om ei trafikkulukke i Uggdal, der ein motorsyklist hadde velta i ein sving. Ulukka skjedde i svingane nedst i Eredalen.

Ifølgje twittermeldinga skulle føraren av motorsykkelen vera bevisst, men klagde over smerter.

Alle naudetatane rykte ut, og kring halv ni landa eit ambulansehelikopter ved Uggdal skule.

Politibetjent Aleksander Søyland var på staden, og kunne stadfesta informasjonen frå Twitter.

– Det er ein mannleg motorsyklist som har velta. Han var bevisst og gjekk rundt på eigne bein. Han er no sendt til sjukehus, opplyser Søyland.

Han fortel at det er framleis er uklart kva som er årsaka til ulukka.

Det var i ein periode redusert framkomelegheit på staden, men vegen er no rydda og det er full framkomelegheit igjen.


Siste saker Gå til framsida

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...

Politiet: Seink farten

Politiet har fått inn gjentakande meldingar om høg fart på strekninga mellom Uggdal og Våge. – Me håpar at folk tek omsyn til andre trafikantar, og held fartsgrensa, oppmodar Susann Rosvold, politibetjent ved Tysnes lensmannskontor. Ho understrekar at det er spesielt viktig å ta det med ro no som det bikkar mot vinter og minusgrader, og det byrjar å bli glatt på vegen. –...