SOMMARJOBB: Rhine Storetvedt har vore fast inventar på Mandelhuset i sommar, og er no klar for å flytta til Stord og begynna på elektrofag.
SOMMARJOBB: Rhine Storetvedt har vore fast inventar på Mandelhuset i sommar, og er no klar for å flytta til Stord og begynna på elektrofag.

Frå servitørvikar til elektrofagelev

Rhine Storetvedt er inne i sine siste veker som sommarvikar på Mandelhuset, før ho flyttar til Stord for å gå på vidaregåande.
Publisert 10.08.2019 kl. 06.00.

– Pappa er bartender her, og mamma har vore med og hjelpt litt til her, så då føltest det naturleg å spørra Patrick (Russell Madsen, journ. merk.) om eg kunne få sommarjobb, fortel Rhine Storetvedt.

I vår var ho avgangselev ved Tysnes skule, og har i sommar jobba på Mandelhuset medan ho ventar på å gå i gang med kvardagen som vidaregåandeelev.

– Eg skal til Stord og gå på elektrofag, avslørar Rhine.


Kjekt med sommarjobb

Det har vorte mange timar som servitør på Mandelhuset for Rhine, der ho har jobba med å servera restaurantgjestar, rydda og utført andre daglegdagse restaurantoppgåver. Ho er ikkje gammal nok til å servera alkohol i baren, men har likevel vore med på nokre seine kvelder.

– Når pappa har stått i baren, har eg gjerne vore med som ryddehjelp, og pussa glas og slikt, fortel ho.

Rhine set pris på den ekstra inntekten, og er klar på kva pengane skal gå til.

– Dei skal gå til førarkort, svarar ho kjapt.– Kva er det kjekkaste med å jobba som servitør på Mandelhuset?

– Det er heilt klart å prata med og vera blant folk heile tida. Det er absolutt ein sommarjobb eg kan anbefala, fortel ho.


Klar for elektro

Det nærmar seg skulestart, og Rhine er klar for overgangen til livet som vidaregåandeelev. Ho skal nemleg flytta på hybel på Stord.

– Eg gler meg masse. Det vert kjekt å treffa nye folk, og få eit nytt skuleoppsett med meir praktiske fag.– Kvifor valde du elektro?

– Min far anbefalte det, og så hadde eg arbeidsveke hos Tiko, og fann ut at det var gøy å driva med, fortel ho.

Ho ser for seg å verta vanleg elektrikar, med moglegheit for å studera vidare og verta elektroingeniør, og ho vil gjerne halda seg i nærleiken av Tysnes når ho er ferdig utdanna.

– Eg vil helst få jobb på Tysnes, men det kan fort verta Stord eller Os.


Flyttar på hybel

– Det er veldig krevjande å pendla, så det er meir lettvint å flytta på hybel, fortel Rhine.

Ho har dermed sikra seg ein stad å bu på Stord frå hausten.

– Det vert spennande, men også litt skummelt. Men eg kjem til å reisa ein del heim i helgene.

Då dukkar ho plutseleg også opp på Mandelhuset igjen.

– Eg har avtalt at eg kan få jobba litt i helgene utover hausten, avsluttar ho.


Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...