STORTRIVST PÅ TYSNES: Maja og Edvard flytta inn på Ølbenken i starten av juli, og her kjem dei til å bli verande. Her har dei besøk av husvertane Terje og Helen Godø med barnebarnet Victoria (7) i midten. (Begge foto: Ella Sandra Dahl Berland)
STORTRIVST PÅ TYSNES: Maja og Edvard flytta inn på Ølbenken i starten av juli, og her kjem dei til å bli verande. Her har dei besøk av husvertane Terje og Helen Godø med barnebarnet Victoria (7) i midten. (Begge foto: Ella Sandra Dahl Berland)

Blir fastbuande på Tysnes

Maja og Edvard starta ferien på øvre Dalland like før Tysnesfest. No har dei bestemt seg for å bliverande her for godt.
Publisert 10.08.2019 kl. 13.00.

Du har kanskje sett dei frå vegen når du køyrer forbi øvre Dalland, der dei sit på Ølbenken og nyt sommaren.

– Det må ha overraska nokre, at me sit her ute heile døgnet. Men me likar å vera ute, seier Maja og Edvard.

– Me har forelska oss heilt i Tysnes. Og utsikta herifrå til Bjørnefjorden er fantastisk, held Maja fram.


– Praktfullt her

Ekteparet har ikkje sett noko av Tysnes før, men dei har trua på at øvre Dalland er staden å vera.

– Eg likar å ta det med ro, og ikkje bevega meg for mykje, seier Maja.

Difor har ho overtydd ektemannen om å bli verande her, sidan husvertane Helen og Terje Godø har tilbudd dei å bu her fast. – Det kunne me ikkje seia nei til. Dette er ei perle. Når det er så praktfullt her, kvifor skal me ut og stressa rundt? fortel ho.– Eg tenkjer det same. Og eg skjønar meg ikkje på folk flest i «feriemodus». Dei eig jo ikkje ro i ræva, held Edvard fram.


Stort sett nøgd

Edvard reknar Ølbenken som det beste utgangspunkt for avslapping.

– Terjemann er ein kjekk kar, og han er titt og ofte nedom her og ser til oss, og vartar oss opp, smiler han.

– Men det kan bli litt for mykje av det gode. Dette må du ikkje skriva, men eg er litt lei den svenskeølen han kjem dragande med på varme dagar, kviskrar han.

– Eg har jo høyrd at det skal vera eit bra lokalt mikrobryggeri i nærleiken, som eg er litt nysgjerrig på.


Flyttar inn til vinteren

Maja er glad i å strikka, og held på med eit langt skjerf til vinteren, som ho har fått litt hjelp av Helen med å laga.

– Men ikkje misforstå. Helen og Terje har tilbydd oss å flytta inn til vinteren, og det har me takka ja til, for me har høyrd at det kan bli i kaldaste laget, seier ho.

Edvard har eit ønske om familieauke før neste sommar.

– Det hadde vore veldig kjekt med to etterkommarar, men me får sjå.


Mange å bli kjend med

Det har kome mange folk forbi, både køyrande, syklande og gåande, som har vore interessert i å bli kjend med dei nye innbyggjarane.

– Dei fleste stoppar opp nede i vegen for å ta bilete av oss. Eg blir jo litt smigra. Men det er òg nokre som vågar seg opp hit for å helsa på oss, og det er jo det kjekkaste, meiner Edvard.

Maja synest òg at det er kjekt med liv i nærområdet.

– Me likar at det aldri blir for stilt her. Det var mykje liv under Tysnesfest, og me høyrde mykje av musikken hit, seier Maja, og fortel at ho gler seg til neste år.

– De som sit her får jo med dykk alt som skjer her i Dallandsbrekka. Har de ein løyndom å fortelja oss, sånn heilt på tampen?

– Det som skjer i Dallandsbrekka, blir i Dallandsbrekka.


UTSYN OVER VEGEN OG FJORDEN: Maja og Edvard har sett mykje løye frå Ølbenken på øvre Dalland, men det meste held dei for seg sjølv.
UTSYN OVER VEGEN OG FJORDEN: Maja og Edvard har sett mykje løye frå Ølbenken på øvre Dalland, men det meste held dei for seg sjølv.

Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...