SPØRSMÅL: Denne ferierande Ersvær-gjengen hamna tilfeldigvis på familiedagen, og tok seg ein tur rundt vatnet på jakt etter postar og spørsmål.
SPØRSMÅL: Denne ferierande Ersvær-gjengen hamna tilfeldigvis på familiedagen, og tok seg ein tur rundt vatnet på jakt etter postar og spørsmål.

Hamna tilfeldigvis på familiedag

Dystre vêrspådomar og våt turløype hindra ikkje folk frå å møta opp til den årlege familiedagen ved Frøkedalsvatnet.
Publisert 11.08.2019 kl. 14.28.

– Me hamna tilfeldigivis innom her, fortel Therese Ersvær Sjursæther.

Ho og mor Inger Lise Ersvær var på luftetur med hunden Bella då dei tilfeldigvis oppdaga at det var aktivitet kring Frøkedalsvatnet. Då vart resten av den ferierande familien på landstaden på Ersvær kontakta, og til slutt var heile gjengen på plass og klare til å gå rundt vatnet på jakt etter postar med spørsmål.


Nøgd gjeng

Etter å ha gått eit stykke kom familien fram til den fyrste posten, og det var tydeleg at både store og små koste seg på turen.

– Det er veldig kjekt, og det er flott å koma seg ut, seier unge Marie Ersvær Arefjord.

– Det er veldig kjekt at dei arrangerer ein slik dag, seier Linda Ersvær Arefjord, som er søster til Therese og mor til Marie.

– Me vert gjerne med neste år òg.


Våt familiedag

– Det er vel ein god tradisjon at det er dårleg vêr på familiedagen, seier Bjørg Hope med eit smil om munnen.

Sjølv om rekstringane fekk strålande sommarvêr på familiedagen i fjor, er dei vane med dårleg vêr, og prognosane for denne laurdagen var ikkje så mykje å skryta av. Likevel var det mange som møtte fram, og vêrgudane gav Frøkedalsvatnet nokre timar med opphald, og til og med eit gløtt av sol.

Dei frammøtte vart samde om at familiedagen vart arrangert for femte eller sjette året på rad.

– Det har absolutt etablert seg som ein tradisjon, fortel Marit Nancy Gjøvåg, som trivst godt på familiedagen.

– Det er sosialt og triveleg, og det er kjekt at ein kan få i stand ein slik dag, seier ho vidare.

Arvid Berntsen skulle ynskja at også endå fleire tok turen ut.

– Dei går glipp av flotte naturopplevingar dei som ikkje er her, seier han.




FAMILIEDAG: Tre generasjonar var samla ved Frøkedalsvatnet laurdag. Frå venstre: Elise Ersvær Sjursæther, Inger Lise Ersvær, Sarah Ersvær Arefjord, Therese Ersvær Sjursæther, Marie Ersvær Arefjord, Linda Ersvær Arefjord og William Ersvær Sjursæther.
FAMILIEDAG: Tre generasjonar var samla ved Frøkedalsvatnet laurdag. Frå venstre: Elise Ersvær Sjursæther, Inger Lise Ersvær, Sarah Ersvær Arefjord, Therese Ersvær Sjursæther, Marie Ersvær Arefjord, Linda Ersvær Arefjord og William Ersvær Sjursæther.
FISK PÅ MENYEN: Linn Frøkedal hadde fått mange flotte aurar i garn, og Marit Nancy Gjøvåg (t.v.), Anne Wenche Berntsen (i midten) og Bjørg Hope gjorde i stand fisken før den vart grilla.
FISK PÅ MENYEN: Linn Frøkedal hadde fått mange flotte aurar i garn, og Marit Nancy Gjøvåg (t.v.), Anne Wenche Berntsen (i midten) og Bjørg Hope gjorde i stand fisken før den vart grilla.
KAJAKK: Anneli Berntsen (10) fekk vera med ut på vatnet i kajakk saman med Marit Bruntveit Vatne.
KAJAKK: Anneli Berntsen (10) fekk vera med ut på vatnet i kajakk saman med Marit Bruntveit Vatne.
BUKETT: – Me plukka blomar frå kajakkane, fortalde Anneli då ho var komen tilbake frå padleturen.
BUKETT: – Me plukka blomar frå kajakkane, fortalde Anneli då ho var komen tilbake frå padleturen.
GOD STEMNING: Mange rekstringar koste seg med grillmat og naturopplevingar ved Frøkedalsvatnet laurdag.
GOD STEMNING: Mange rekstringar koste seg med grillmat og naturopplevingar ved Frøkedalsvatnet laurdag.

Siste saker Gå til framsida

Ynskjer ekstra omsorgsbemanning

Budsjettforhandlingane er godt i gang, og i formannskapet måndag tok Arne Leite (Sp) og Anne Merete Fjeldstad (Ap) til orde for å sjå på høva for å få fleire stillingar inn i omsorgstenestene.