NORGESMEISTERSKAP: Laurdag og søndag vart NM i oselvar spriklasse arrangert på Tysnes, med 23 påmelde oselvarar.
NORGESMEISTERSKAP: Laurdag og søndag vart NM i oselvar spriklasse arrangert på Tysnes, med 23 påmelde oselvarar.

Mildebåt vart norgesmeistrar

Beste tysnesbåt kom på fjerdeplass då Team Nipen frå Milde Båtlag vart norgesmeistrar i oselvar-sigling.
Publisert 12.08.2019 kl. 14.47.

Laurdag og søndag gjekk norgesmeisterskapen i oselvar spriklasse av stabelen i farvatnet utanfor Våge. Seks løp vart gjennomført, tre på laurdag og tre på søndag, og det var til slutt ein rutinert siglargjeng frå Milde Båtlag i Bergen som gjekk heilt til topps i båten «Terna».

– Det var veldig bra. Det er vel sjuande gong eg vert norgesmeister, fortel skipper Nils-Ove Nipen.


I toppen heile vegen

Med seg i oselvaren hadde han fetteren Harald Nipen og sonen Ove Gram Nipen. Dei enda topp tre i alle dei seks løpa, og kunne dermed feira ein klar siger i konkurransen.

– Me opna dårleg i fyrste løpet laurdag, og hamna heilt sist frå start av. Men me klarte likevel å seila oss på ein tredjeplass, fortel Ove.

Det fyrste løpet vart vunne av austevollbåten «Ægir», med Terje van der Meeren som kaptein. I det andre løpet vart det tysnesjubel, då båten «Spretten» vann, med Arild Teigland Gjerstad, Torunn Nødland og Olav Sigurd Nødland om bord.

Familien Nipen enda som nummer to i løp to, før dei sjølv vann det tredje løpet framfor «Spretten». Dei leia dermed konkurransen allereie halvvegs, medan tysnesingane i «Spretten» avslutta laurdagen på ein oppløftande andreplass.


Vart utfordra

– Det var veldig varierande vind laurdag, så då kunne ein vera både heldig eller uheldig, forklarar Nils-Ove.

Då konkurransen skulle avgjerast søndag var vêret annleis, og siglarane fekk bryna seg på meir stabile vindforhold.

– Det var ikkje vêret som avgjorde i dag, og det er det slik det skal vera, seier Ove.

Med tre gode løp søndag sikra dei sigeren i meisterskapen, sjølv om dei vart utfordra av båten frå Austevoll. Van der Meeren-gjengen vann det fyrste løpet søndag i eiga klasse, med «Terna» på tredjeplass.

Derimot fekk Nipen-karane revansje på neste løp, og vann framfor «Ægir». Då «Terna» i tillegg sigla inn til andreplass i det siste løpet var gullkampen avgjort. «Ægir» sikra sølvet, medan Milde-båten «Ulrik» sigla inn til bronseplass. For Arild Teigland Gjerstad, og mannskapet i «Spretten», vart det fjerdeplass totalt, men best i klassen av tysnesbåtane. Fjorårsmeister «Berserk», med Jan Vee i spissen, enda på femteplass.







TOPP TRE: Slik såg pallen i norgesmeisterskapen ut. I midten er skipper på vinnarbåten, Nils-Ove Nipen, flankart av Harald Nipen og Ove Gram Nipen. Nils-Ove vert gratulert av Terje van der Meeren frå Austevoll, som var skipper på båten som fekk andreplass.
TOPP TRE: Slik såg pallen i norgesmeisterskapen ut. I midten er skipper på vinnarbåten, Nils-Ove Nipen, flankart av Harald Nipen og Ove Gram Nipen. Nils-Ove vert gratulert av Terje van der Meeren frå Austevoll, som var skipper på båten som fekk andreplass.
NUMMER TO: Båten «Ægir» med Terje, Gro Ingleid og Steinar van der Meeren var dei nærmaste utfordrarane til vinnarbåten, og vann mellom anna det fyrste løpet søndag.
NUMMER TO: Båten «Ægir» med Terje, Gro Ingleid og Steinar van der Meeren var dei nærmaste utfordrarane til vinnarbåten, og vann mellom anna det fyrste løpet søndag.
PÅ HEIMEBANE: Knut Ove Gjersvik, Pedro Neves og Bjørn Fløgstad frå Båtlaget Njord/Tysnes enda på 20. plass i NM.
PÅ HEIMEBANE: Knut Ove Gjersvik, Pedro Neves og Bjørn Fløgstad frå Båtlaget Njord/Tysnes enda på 20. plass i NM.
LOKALE: Heile tolv tysnesbåtar var påmeldt, mellom anna båten «Luna» med Alex Cato Lunde, Børge Pedersen og Gisle Haukebø Mikalsen.
LOKALE: Heile tolv tysnesbåtar var påmeldt, mellom anna båten «Luna» med Alex Cato Lunde, Børge Pedersen og Gisle Haukebø Mikalsen.
VIND I SEGLA: Det var gode og stabile vindforhold då NM vart avgjort søndag.
VIND I SEGLA: Det var gode og stabile vindforhold då NM vart avgjort søndag.
FEMTEPLASS: Oselvaren «Berserk» med kaptein Jan Vee, Jan Malmin Hansen og Eline Teigland Bakke vann NM i fjor, men måtte i år ta til takka med femteplass, og vart dermed også nest beste tysnesbåt.
FEMTEPLASS: Oselvaren «Berserk» med kaptein Jan Vee, Jan Malmin Hansen og Eline Teigland Bakke vann NM i fjor, men måtte i år ta til takka med femteplass, og vart dermed også nest beste tysnesbåt.
USIKKERT VÊR: Det vart ein grå og overskya søndag, men regnvêret heldt seg stort sett unna.
USIKKERT VÊR: Det vart ein grå og overskya søndag, men regnvêret heldt seg stort sett unna.
RUNDING: Det vart trangt om plassen då båtane runda bøya for fyrste gong på fyrste løpet søndag.
RUNDING: Det vart trangt om plassen då båtane runda bøya for fyrste gong på fyrste løpet søndag.

Siste saker Gå til framsida

Gjer tiltak mot koronasmitte

Kommunen ynskjer å koma i kontakt med føresette til barn som har vore på ferie i koronautsette område.– Det er ikkje eit spesielt dramatisk tiltak, men eit potensielt effektivt tiltak, fortel rådmann Steinar Dalland.Denne veka har det vore vinterferie, og måndag skal mange barn og unge på Tysnes tilbake på skular og barnehagar. Rådmannen opplyser at kommunen no ynskjer å koma i...

Framleis inga lensmannskontoravklaring

I september annonserte politiet at dei søkte etter nye lokale for Tysnes lensmannskontor, og interessentar vart bedne om å melda seg innan starten av oktober. Politiets fellestjenester har sidan den gong vore i forhandlingar med tilbydarar, og har framleis ikkje avklart framtida til det nye lensmannskontoret.Med omsyn til politiet sin forhandlingsposisjon, har dei ikkje villa opplysa om...

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.