DANSEGLEDE: Tysnes musikklag inviterer i år til dansegalla for 15. gong. (Arkivfoto: Ingunn Gjærde)
DANSEGLEDE: Tysnes musikklag inviterer i år til dansegalla for 15. gong. (Arkivfoto: Ingunn Gjærde)

Klare for dansegalla for 15. gong

Laurdag 17. august arrangerer Tysnes musikklag dansegalla nummer femten. Nokre gler seg ekstra mykje.
Publisert 12.08.2019 kl. 18.00.

– Tysnes er ein av dei beste plassane, eigentleg, seier Anne-Karin Eikeland.

Den danseglade dama frå Baldersheim i Fusa har vore på mange dansegallaar over det ganske land. Tysnes er ein av plassane ho kjem oftast tilbake til.

– Det kjem vennar av meg kvart einaste år, seier Eikeland.

– Kva er det som gjer at du kjem igjen år etter år?

– Nei, for min del er det at det ligg nærme, men også dette med å treffa vennar, seier ho.

Ho er imponert over det Tysnes musikklag har fått til.

– Tysnes musikklag skal ha skryt. Dei er veldig flinke folk, og trivelege ikkje minst, seier Eikeland.

– Kor mange gongar har du vore på dansegallaen?

– Nei, det er vanskeleg å seia. Eg trur eg har vore 10 pluss gongar, iallfall, svarer Eikeland.

– Kjem du til å ta turen i år òg?

– Ja, det gjer eg garantert.


Satsar friskt

– Etter ein vellykka dansegalla i fjor, satsar me friskt i år òg, med to band, seier Lars Petter Epland i Tysnes musikklag, om det som blir den 15. dansegallaen til laget.

I år blir det eit gledeleg gjensyn med Steinar Engelbrektson Band og gruppa AristoCats.


Viktig arrangement

Dansegallaen er den største inntektskjelda til Tysnes musikklag.

– Så har me det òg kjekt saman når me lagar til og held på, seier Epland.

– Me føler at me lagar til noko som folk synest er kjekt, og som er stas for Tysnes-samfunnet, legg han til.

– Synest du det er gøy å gå på dansegalla?

– Eg synest det er gøy å sjå på at andre har det gøy! Folk koser seg, og me får mange gode tilbakemeldingar, seier Epland.


GJENGANGARAR: Anne Karin Eikeland (til høgre) kjem ofte tilbake til dansegallaen. Her avbilda med Torstein Slettebakken, ein annan gjengangar på arrangementet. (Arkivfoto)
GJENGANGARAR: Anne Karin Eikeland (til høgre) kjem ofte tilbake til dansegallaen. Her avbilda med Torstein Slettebakken, ein annan gjengangar på arrangementet. (Arkivfoto)

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.