FOLKTRONICA: Den lokale musikkgruppa Shakti 3 1/2 byr laurdag på konsert i Lundarhegni Naturpark.
FOLKTRONICA: Den lokale musikkgruppa Shakti 3 1/2 byr laurdag på konsert i Lundarhegni Naturpark.

Mytologifestival for 8. gong

Norrøn sjamanisme er temaet for den årlege mytologifestivalen på Hatlestrand, som går av stabelen fyrstkomande laurdag.
Publisert 14.08.2019 kl. 06.00.

Tidlegare i år kunne pressa levera oppsiktsvekkjande nytt frå kongefamilien: Prinsesse Märtha Louise hadde blitt kjærast med ein sjaman, og debatten kokte.

– Mytologifestivalen meiner derfor 2019 er eit høveleg år for å sjå litt nærare på desse omgrepa, sett ut frå ein mytologisk ståstad. I eventyra våre og i dei meir eller mindre skoddelagde sogene frå urgammal tid, florerer det både med prinsesser og med sjamanar, fortel Knut Nerhus i mytologifestivalen.

Ein som har arbeidd med tema som dette i ein mannsalder er forfattar og fotograf Gorm Helge Grønli Rudschinat, og laurdag vil han halda foredrag om norrøn sjamanisme i ungdomskjellaren på Hatlestrand.

– Under føredraget blir det teiknekrok bakerst i salen for dei som vil uttrykka seg kreativt, seier Nerhus.

Når foredraget er ferdig, går turen ut i Lundarhegni Naturpark, der det blir mat rundt bålet og mykje dramatikk. Om ein likar å leva seg inn i gamal tid, er dette staden å vera på laurdag.

– Her kan du bli med kledd, ikledd eller utkledd, både som normal eller som unormal. Valet er ditt.

Avslutningsvis kjem det som truleg blir høgdepunktet på festivalen; ein konsert med musikkgruppa Shakti 3 1/2.

– Musikantane har øvingslokale i Ølve, og musikkstilen er folktronica. Denne kvelden slepper dei rykande ferske låtar, freistar Nerhus, som håpar mange tek turen til Hatlestrand denne dagen.


Siste saker Gå til framsida

Rune Alver kjem til OnarTun

Er du glad i klassisk musikk av den storslegne kaliberen, bør du ikkje gå glipp av konserten med Rune Alver og Lise Skjåk Dalen.

– Det finst ikkje liknande

Forfattar og lokalhistoriker Knut Rage reiser kvart år frå Tysnes til Hatlestrand for å få med seg Mytologifestivalen. I år skulle ikkje vera eit unntak.

Vel blåst på Tysnessåto

Søndag var det friluftsgudsteneste på Tysnessåta i skiftande seinsommarvêr. Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk. Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over...

Lesarbrev: Innfør gratis skulemat

Eit gratis skulemåltid kvar dag til alle elevar i den norske skulen kan vera blant dei viktigaste tiltaka for folkehelse og sosial utjamning. Vil politikarane jobba for å innføra skulematordning i vår kommune?Det er få stader sosiale skilnader kjem tydelegare til syne enn blant matpakkane til elevar i den norske skulen. Diverre er det slik at langt ifrå alle born får med seg god og sunn...