HÆLA (OG STEMNINGA) I TAKET: Smilet og rytmane sat laust både hjå artistane og dei 333 publikummarane på dansegallaen i Tysneshallen laurdag. (Alle foto: Ella Sandra Dahl Berland)
HÆLA (OG STEMNINGA) I TAKET: Smilet og rytmane sat laust både hjå artistane og dei 333 publikummarane på dansegallaen i Tysneshallen laurdag. (Alle foto: Ella Sandra Dahl Berland)

333 var med på dansegalla

...og stemninga var på topp.
Publisert 18.08.2019 kl. 15.12. Oppdatert 20.08.2019 kl. 10.18.

Tysnes Musikklag inviterte laurdag kveld til dansegalla i Tysneshallen, med Steinar Engelbrektson Band og AristoCats.

– Eg er her for å ha det moro, for å ta ein svingom, og for å treffa gode, gamle kompisar. Og for å sjå på livet! smiler Lars Bondhus.

Han stod i baren i Tysneshallen og preika med Oddleiv Vevatne, som har vore ein god kompis sidan 80-talet.

– Eg går her kvart år, for eg synest det er veldig gøy her. Så dette må vera femtande gongen, fortel Oddleiv.


Veldig fornøgde

Musikken er heilt topp, meiner Lars.

– Ja, veldig god musikk å dansa til! legg venen til.

Kompisane kranglar muntert om kven av dei som kjem frå den rette sida av øya. Lars er frå Uggdal, og Oddleiv er frå Vevatne. Dei kjem ikkje til noko einigheit denne kvelden, men det går ikkje ut over den gode stemninga.

– Me storkosar oss. Og eg trur det er endå fleire folk her i år enn i fjor, seier Oddleiv.


Fleire enn i fjor

Det var rett observert. I år var det akkurat 333 deltakarar, mot 300 i fjor. I alt 110 bubilar kom til Tysnes, og folk drog heilt frå Jæren for å få med seg dansegallaen. Frå Sotra kom Else Iren Eide og mannen Lyder Mjømen.

– Me er ein gjeng på åtte stykk i fire bubilar, fortel dei.

– Me kjem kvart år, og me har alltid gode vener med oss.


Fornøgde med arrangørane

Ekteparet frå Sotra kjem fram til at det må vera den fjerde gongen dei er på dansegalla på Tysnes, minst.

– Tysnes er heilt fantastisk, og dansesalen her er veldig fin. Og det er fantastiske folk som jobbar her, fortel dei.

– Dei er veldig flinke med tilrettelegginga, og alt er veldig godt lagt opp for oss som kjem med campingbil.


– Fantastisk dansemusikk

Skryten er heller ikkje langt unna når dei deler meiningar om musikken i år.

– AristoCats er min favoritt. Eg likar godt stemmene deira, og dei har veldig fine tekstar, meiner Else Iren.

– Roy og Siv som syng, passar så godt i lag, held ho fram.

Lyder synest at begge banda fengjer, men om han skal velja ein favoritt, må det vera Steinar Engelbrektson Band.

– Begge speler fantastisk dansemusikk. Me har dansa i snart tretti år, og me elskar det. Og me kjem til å halda fram!


«NO MÅ DU VENTA LITT, LYSET KJEM SNART PÅ»: Steinar Engelbrektson var ikkje verre på det enn at han inviterte underteikna opp på scena for å dokumentera den fantastiske stemninga og iveren hjå publikum.
«NO MÅ DU VENTA LITT, LYSET KJEM SNART PÅ»: Steinar Engelbrektson var ikkje verre på det enn at han inviterte underteikna opp på scena for å dokumentera den fantastiske stemninga og iveren hjå publikum.
KAN DET BLI BETRE?:Biletet får tala for seg sjølv.
KAN DET BLI BETRE?:Biletet får tala for seg sjølv.
FANTASTISK DANSEMUSIKK: Lars Bondhus og Oddleiv Vevatne er gamle kompisar, og fann kvarandre på arrangementet. Dei syntest årets artistar baud på fantastisk dansemusikk.
FANTASTISK DANSEMUSIKK: Lars Bondhus og Oddleiv Vevatne er gamle kompisar, og fann kvarandre på arrangementet. Dei syntest årets artistar baud på fantastisk dansemusikk.
KJEM ÅR ETTER ÅR: Else Iren Eide og Lyder Mjømen elskar å dansa. Dei og venegjengen frå Sotra har lagt seg til ein ny vane; dra på dansegalla på Tysnes.
KJEM ÅR ETTER ÅR: Else Iren Eide og Lyder Mjømen elskar å dansa. Dei og venegjengen frå Sotra har lagt seg til ein ny vane; dra på dansegalla på Tysnes.
ARISTOCATS: Dansebandet frå Sotra fekk skryt for både gode tekstar, vakre stemmer og gode rytmar.
ARISTOCATS: Dansebandet frå Sotra fekk skryt for både gode tekstar, vakre stemmer og gode rytmar.

Siste saker Gå til framsida

Fekk ordførarbesøk på 100-årsdagen

I helga var det stor feiring på Reiso då Herborg Dalen feira sin hundrede fødselsdag. Med ope hus på søndag var det mange som tok turen innom for å gratulera den spreke jubilanten, inkludert ordførar Kåre Martin Kleppe.– På vegner av Tysnes kommune ynskjer eg å gratulera med dagen, og eg håpar at åra du har hatt på Tysnes har vore fine, sa ordføraren då han møtte 100-åringen.Han...

Inviterer til ei annleis gudsteneste

Tradisjonen tru vert det temagudsteneste i Onarheim kyrkje i samband med TV-aksjonen, som i år handlar om å skapa eit betre liv for kvinner i nokre av dei mest sårbare områda i verda. – Slik som i fjor prøver me oss på ei litt annleis gudsteneste med både perler, strikketøy og songinnslag. Begge deler kan symbolisera verdigheit i møte med livet sine utfordringar. Nokre gonger mister me...

Ny ungdomsroman frå Ingelin Røssland

Ingelin Røssland si nye ungdomsbok OMG kom frå trykken for få dagar sidan, og Det Norske Samlaget skildrar romanen slik: «For Maria er livet ein grenselaus fest. Men festen tek bra°tt slutt då ho blir skyssa heim i politibil. Mora orkar ikkje meir, og Maria blir send til mormor med totalt mobilforbod. Hos mormor blir Maria fascinert av prestesonen Johannes, samtidig som ho har ein...