LITA FORSAMLING: Tretten møtte opp på døvegudstenesta på Tysnessåto søndag. (Alle foto: Privat)
LITA FORSAMLING: Tretten møtte opp på døvegudstenesta på Tysnessåto søndag. (Alle foto: Privat)

Vel blåst på Tysnessåto

Publisert 20.08.2019 kl. 11.07.

Søndag var det friluftsgudsteneste på Tysnessåta i skiftande seinsommarvêr.

Initiativtakar til denne gudstenesta var tysnesingen Arne Nesse. Døveprest Inge Sørheim hadde ansvar for gudstenesta, og dei hadde med eigen tolk.

Det bles friskt på toppen, så den vesle kyrkjelyden søkte ly litt nedom toppen. Der vart det preike, bøn og salmesong med eit fantastisk skue over Bjørnefjorden. Tolken teiknsette alt som vart sagt og sunge. Kyrkjelyden fekk endåtil prøva å syngja med teikn, sikkert for fyrste gong for fleire av oss.

Tusen takk til Ida og Grethe som sporty stilte opp og spelte for oss.

Me er også takksame for at det trass alt var opplett den stunda turen og preika varte. Med det vekslande veret fekk me ein nydeleg regnboge over Lunde på heimvegen.

Av Åse Enes





PREST OG TOLK: Døveprest Inge Sørheim frå Døves meninghet Bergen hadde ansvar for gudstenesta, og hadde med eigen tolk.
PREST OG TOLK: Døveprest Inge Sørheim frå Døves meninghet Bergen hadde ansvar for gudstenesta, og hadde med eigen tolk.
TEIKNSETT MUSIKK: Grethe Barmen og Ida Meland sytte for musikken på friluftsgudstenesta.
TEIKNSETT MUSIKK: Grethe Barmen og Ida Meland sytte for musikken på friluftsgudstenesta.
FLOTT SKUE: På veg ned att frå Tysnessåta fekk forsamlinga sjå ein nydeleg regnboge over Lunde. På biletet: Arne Nesse, initiativtakaren til gudstenesta.
FLOTT SKUE: På veg ned att frå Tysnessåta fekk forsamlinga sjå ein nydeleg regnboge over Lunde. På biletet: Arne Nesse, initiativtakaren til gudstenesta.
VEKSLANDE VÊR: Det skifta mellom sol og regn før og under gudstenesta. Her er Åse Enes og Arne Nesse avbilda i sol.
VEKSLANDE VÊR: Det skifta mellom sol og regn før og under gudstenesta. Her er Åse Enes og Arne Nesse avbilda i sol.

Siste saker Gå til framsida

Lesarbrev: Kultur – Språk

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet. Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant. Avisa 5.9.2019...