KLOAKKLUKT: Husstandar på Onarheim har vore plaga med kloakklukt inne i husa. Tysdag var eit røyrinspeksjonsfirma på Onarheim for å jobba med saka.
KLOAKKLUKT: Husstandar på Onarheim har vore plaga med kloakklukt inne i husa. Tysdag var eit røyrinspeksjonsfirma på Onarheim for å jobba med saka.

Har fått klage på kloakklukt i bustadhus

– Ja, me har fått ein del klager frå husstandar på Onarheim om kloakklukt, seier einingsleiar for drift og vedlikehald i Tysnes kommune, Torfinn Kongsvik.
Publisert 21.08.2019 kl. 15.45.

– Me prøver å finna ut korleis desse luktproblema oppstår, seier Kongsvik.

Driftsmedarbeidar ved drift og vedlikehald, Jostein Mehammer, opplyser at det fyrste tiltaket er å testa anlegget med røyk. Det kan og verta aktuelt å undersøkja tilstanden på anlegget ned mot tanken med kamera.

Tysdag var representantar frå eit røyrinspeksjonsfirma på plass ved slamavskiljaranlegget tvers for OnarTun. Tiltak som blei gjort der, var å tøma tanken og setja på eit bend i enden på røyret som går ned i tanken.

– Me trur dette skal verka. No må me venta og sjå, seier Mehammer.


Siste saker Gå til framsida

Lesarbrev: Kultur – Språk

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet. Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant. Avisa 5.9.2019...