SIGNERING: I dag, torsdag, vart intensjonsavtalen mellom Tysnes kommune og Mestringshusene signert.
SIGNERING: I dag, torsdag, vart intensjonsavtalen mellom Tysnes kommune og Mestringshusene signert.

Signerte avtale med Mestringshusene

Kommunen er einig med Mestringshusene om å oppretta rusbehandlingsinstitusjon i den gamle sjukeheimen.
Publisert 22.08.2019 kl. 14.04. Oppdatert kl. 14.08.

Like før klokka 13.00 i dag, torsdag, signerte Tysnes kommune og Mestringshusene intensjonsavtalen for sistnemnde si etablering av rusbehandlingsinstitusjon i den gamle sjukeheimen i Uggdal. Ordførar Kåre Martin Kleppe har gjennom sommaren hatt fullmakt til å sluttføra avtalen.

I møtet torsdag var ordførar Kleppe, varaordførar Kristin T. Gjerstad Kleppe, rådgjevar Richard Høie og rådmann Steinar Dalland på plass for å gå igjennom dei siste detaljane i leigeavtalen, saman med Olaf Olsvik og Olaf Valeur frå Mestringshusene AS.

– Det følest godt å ha signert avtalen med kommunen, fortel Olsvik til «Tysnes».

Neste steg i prosessen er at Mestringshusene søkjer konsesjon hos Helfo. Deretter skal mellom anna bygget klargjerast.

– Me håpar å kunna gå i gang med behandling i løpet av fyrste halvår i 2020, seier Olsvik.

Også ordførar Kleppe er godt nøgd med å ha signert avtalen.

– Det er ikkje så lenge sidan desse planane begynte å materalisera seg, så det har blitt gjort eit godt stykke arbeid fram til avtalen no er signert, seier han.

Det vert meir om avtalen med Mestringshusene i papirutgåva av «Tysnes» neste torsdag.


NØGDE PARTAR: Både representanane frå kommunen og frå Mestringshusene var godt nøgde med avtalen. Frå venstre: Kristin T. Gjerstad Kleppe, Kåre Martin Kleppe, Olaf Valeur, Olaf Olsvik, Steinar Dalland og Richard Høie.
NØGDE PARTAR: Både representanane frå kommunen og frå Mestringshusene var godt nøgde med avtalen. Frå venstre: Kristin T. Gjerstad Kleppe, Kåre Martin Kleppe, Olaf Valeur, Olaf Olsvik, Steinar Dalland og Richard Høie.

Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.