MUSIKALSK KVELD :Rune Alver og Lise Skjåk Dalen fylte OnarTun med flotte tonar fredag kveld.
MUSIKALSK KVELD :Rune Alver og Lise Skjåk Dalen fylte OnarTun med flotte tonar fredag kveld.

Sette fyr på flygelet på OnarTun

Rune Alver og Lise Skjåk Dalen skapte musikalsk magi på Onarheim fredag kveld.
Publisert 24.08.2019 kl. 14.19.

– Dette er eit av dei finaste instrumenta på Vestlandet. De er heldige, sa Rune Alver til eit applauderande publikum etter konserten i OnarTun fredag kveld.

Det var mange publikummarar til stades då Alver og Lise Skjåk Dalen inviterte til ein musikalsk fredagskveld, med musikk av Edvard Grieg, Catharinus Elling og Halfdan Kierulf. Alver spelte ein del på eige hand, og Skjåk Dalen var med og song på nokre av melodiane, mellom anna «Solveigs sang», «Småsporven» og «Synnøves sang».

Sistnemnde var godt nøgd med å bli akkompagnert av Rune Alver.

– Han var kjempeflink å følgja synginga mi, noko som er veldig viktig. Det er eit privilegium å få framføra me ein så dyktig pianist, seier ho, som også var godt nøgd med frammøte på OnarTun.

– Det er artig at me kan få til noko slikt her, og flott at så mange møter opp, fortel ho.

Rune Alver sat igjen med dei same intrykka som Skjåk Dalen etter konserten.

– Eg er overraska over at det var så mykje folk som kom, og det verka som folk koste seg, seier han.

Alver har spelt på både små og store scener i sn karriere, og trivst godt med å koma tett på publikum.

– Eg liker veldig godt å koma nær folk, og viss eg har høve til å prata med publikum mellom stykka, så gjer eg det. I tillegg er dette rommet spesielt fint. Det er god klang og eit fint areal, seier Alver.

Han er ikkje ukjend med å reisa til Tysnes, men har ikkje spelt på Onarheim tidlegare.

– Det var fyrste gong, men forhåpentlegvis ikkje siste gong, avsluttar han.



SONG: Lise Skjåk Dalen var godt nøgd med å bli akkompagnert av den annerkjende pianisten.
SONG: Lise Skjåk Dalen var godt nøgd med å bli akkompagnert av den annerkjende pianisten.
MANGE PUBLIKUMMARAR: Det var fullt hus i OnarTun fredag kveld.
MANGE PUBLIKUMMARAR: Det var fullt hus i OnarTun fredag kveld.

Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.