GULLFOTEN: Thomas Hagen viste si begeistring over det fyrste målet til Lasse Aarland Skulstad ved å kyssa venstrefoten til sistnemnde. (Alle foto: Camilla Korsnes)
GULLFOTEN: Thomas Hagen viste si begeistring over det fyrste målet til Lasse Aarland Skulstad ved å kyssa venstrefoten til sistnemnde. (Alle foto: Camilla Korsnes)

Andre a-lagssiger på rad

To mål kvar av Emre Hagen og Lasse Aarland Skulstad sørgde for nok ein siger for a-laget til Njardar/Tysnes.
Publisert 25.08.2019 kl. 14.00. Oppdatert kl. 16.26.

Laurdag ettermiddag spelte Njardar/Tysnes sitt a-lag sin niande kamp for sesongen, og sin andre kamp etter sommarpausen. På motsett halvdel på Reiso stod Laksevåg, som vann heile 7–2 i oppgjeret mellom laga i vår.

Njardar/Tysnes opna hausten på ein god måte med siger over rivalane i Eikelandsfjorden fredag i førre veke, og poengfangsten fortsette mot Laksevåg laurdag.


Tidleg leiing

Heimelaget gjekk ut med høgt press mot bergensarane, og fekk tidleg utteljing. Berre sju minutt var spelt då høgrekant Thomas Hagen fann spiss Emre Hagen med ein gjennombrotspasning. Åleine med keeper sette han inn 1–0 til Njardar.

20 minutt seinare dobla same mann leiinga. Aksel Lande testa skotfoten, og Hagen lukta keeper sin retur og sette inn 2–0.

Fem minutt før pause toppa Njardar fyrsteomgangen då Lasse Aarland Skulstad banka inn eit langskot med venstrefoten, og gultrøyene kunne dermed gå til pause med ei tremålsleiing.


Jamn andreomgang

Bortelaget frå Bergen gav ikkje opp, sjølv om dei hadde ei stor oppgåve framfor seg med å snu kampen i andre omgang. Halvvegs i omgangen fekk Laksevåg straffe, som vart sikkert ekspedert i mål.

Kampen bølgja fram og tilbake i resten av omgangen, før Njardar sette spikaren i kista fem minutt før full tid. Thomas Hagen fekk sin andre assist for dagen då han traff Lasse Aarland Skulstad med eit innlegg. Aarland Skulstad tok ballen ned og sette den sikkert i lengste hjørne.

Njardarspelarane kunne dermed jubla for 4–1-siger, og sin tredje triumf for året. Dei tre poenga gjorde også at tysnesingane klatra opp frå jumboplassen på tabellen, som no er overtatt av Bergkrystall.

Både Bergkrystall og dei fire nærmaste laga framfor Njardar på tabellen, har to kampar meir spelt enn Njardar. Tysnesingane har dermed gode moglegheiter til å fortsette tabellklatringa utover hausten.

(Til opplysning: Journalisten speler sjølv på Njardar/Tysnes sitt a-lag)


Kampfakta:

Njardar/Tysnes – Laksevåg, 24.08.19 - 15:30, Reiso kunstgras

Resultat: 4 – 1 (3 – 0)

Målscorarar Njardar: Emre Hagen (2), Lasse Aarland Skulstad (2)

Startoppstilling Njardar: Kjartan Hagen – Sjurd Sandvik Pedersen, Birger Gilje, Elvis Kalvans, Ole Bakke Rosvold – Børge Pedersen, Lasse Aarland Skulstad, Aksel Lande, Thomas Hagen – Emre Hagen, Alexander Gjerstad Kleppe

Innbyttarar: Vidar Storesætre, Heine Sandvik Henanger, Oddvar Thuen


Tabell: 6. divisjon, avdeling 3 (spelte kampar i parentes):

1. Trane, 25 poeng (10)

2. Søre Neset, 23 poeng (10)

3. Viggo, 17 poeng (10)

4. Halsnøy, 14 poeng (10)

5. Laksevåg, 14 poeng (11)

6. Eikelandsfjorden, 13 poeng (11)

7. Nore Neset/Lysekloster 2, 11 poeng (11)

8. Rosendal, 11 poeng (11)

9. Njardar/Tysnes, 10 poeng (9)

10. Bergkrystall, 9 poeng (11)


TIDLEG LEIING: Emre Hagen sette her inn leiinga til Njardar allereie etter sju spelte minutt.
TIDLEG LEIING: Emre Hagen sette her inn leiinga til Njardar allereie etter sju spelte minutt.
KRASJ: Her får Laksevåg sin keeper kjørt seg i duell både mot ein medspelar og Njardar sin evigunge venstrekant Børge Pedersen.
KRASJ: Her får Laksevåg sin keeper kjørt seg i duell både mot ein medspelar og Njardar sin evigunge venstrekant Børge Pedersen.
DUELLAR: Det var mange tøffe tak på Reiso laurdag.
DUELLAR: Det var mange tøffe tak på Reiso laurdag.
NY TREPOENGAR: Med sigeren mot Laksevåg klatra Njardar opp frå sisteplassen i avdelinga.
NY TREPOENGAR: Med sigeren mot Laksevåg klatra Njardar opp frå sisteplassen i avdelinga.
PUNKTERTE KAMPEN: Lasse Aarland Skulstad sette inn Njardar sitt fjerde mål for dagen fem minutt før full tid.
PUNKTERTE KAMPEN: Lasse Aarland Skulstad sette inn Njardar sitt fjerde mål for dagen fem minutt før full tid.

Siste saker Gå til framsida

Gjer tiltak mot koronasmitte

Kommunen ynskjer å koma i kontakt med føresette til barn som har vore på ferie i koronautsette område.– Det er ikkje eit spesielt dramatisk tiltak, men eit potensielt effektivt tiltak, fortel rådmann Steinar Dalland.Denne veka har det vore vinterferie, og måndag skal mange barn og unge på Tysnes tilbake på skular og barnehagar. Rådmannen opplyser at kommunen no ynskjer å koma i...

Framleis inga lensmannskontoravklaring

I september annonserte politiet at dei søkte etter nye lokale for Tysnes lensmannskontor, og interessentar vart bedne om å melda seg innan starten av oktober. Politiets fellestjenester har sidan den gong vore i forhandlingar med tilbydarar, og har framleis ikkje avklart framtida til det nye lensmannskontoret.Med omsyn til politiet sin forhandlingsposisjon, har dei ikkje villa opplysa om...

Vil gje dispensasjon viss bygget blir plassert annleis

Både ordførar, rådmann og utvalsleiar i landbruk/teknisk meiner Nils Kristian Berge i Fjord1 trør feil med sine utsegner om at kommunen har gjort teknisk bygg-saka til ei plasseringssak. Samtidig har Veritas kome med ei kritisk tilbakemelding på ROS-analysen, som mellom anna beskriv brann- og eksplosjonsfaren knytt til det tekniske anlegget.

– Kvar bit er ein siger

Profesjonelle krefter frå Bergen og Omland Friluftsråd (BOF) utfører i desse dagar totalreinsing av eigarlaust marint avfall i Kolavika, og nærliggjande område rundt Flornes.