SISTE NYTT OM E39: Samferdsleminister Jon Georg Dale skal torsdag 5. september fortelja kor E39 skal kryssa Langenuen. Mange trur det blir sørleg kryssing, som dei fleste i Sunnhordland vil ha, sidan kunngjeringa kjem berre nokre få dagar før valet.
SISTE NYTT OM E39: Samferdsleminister Jon Georg Dale skal torsdag 5. september fortelja kor E39 skal kryssa Langenuen. Mange trur det blir sørleg kryssing, som dei fleste i Sunnhordland vil ha, sidan kunngjeringa kjem berre nokre få dagar før valet.

Stord24: Trur regjeringa går for sørleg kryssing

Samferdsleminister Jon Georg Dale kjem til Sunnhordland i morgon torsdag for å fortelja siste nytt frå regjeringa om E39. Med på turen blir også kommunal- og moderniseringsminister Monica Mæland og finansminister Siv Jensen.
Publisert 04.09.2019 kl. 14.55. Oppdatert 05.09.2019 kl. 11.20.

Samferdsleministeren skal presentera siste nytt om traseval for Hordfast, deretter skal han til Halsnøy for å fjerna bomstasjonen på Halsnøysambandet og til slutt besøkja asfaltbedrifta NCC Roads i Etne.

Ifølgje nettavisa Stord24 så har dei sikre kjelder på at samferdsleministeren vil kunngjera at regjeringa har bestemt at E39 skal kryssa Langenuen i sør, mellom Jektevik og Hodnanes.

Ordførar Kåre Martin Kleppe seier til «Tysnes» at han ikkje veit kva «nyheten» om trasevalet går ut på. Men han stadfestar at han har fått innkalling til pressekonferansen, som skal vera på ferja mellom Halhjem og Sandvikvåg klokka 09.20.

– Dette blir kjempespennande. Endeleg ser det ut til at me skal få ei avgjerd om trasevalet for E39, seier Kleppe.


Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.