PÅ LEITING: Kva for ein sopp dette er veit ikkje me, men det gjer garantert soppnerdane som traskar rundt på Tysnes i desse dagar. Og truleg får dei auge på langt meir spennande sortar. (Arkivfoto)
PÅ LEITING: Kva for ein sopp dette er veit ikkje me, men det gjer garantert soppnerdane som traskar rundt på Tysnes i desse dagar. Og truleg får dei auge på langt meir spennande sortar. (Arkivfoto)

Deltakarar på nordisk soppkonferanse til Tysnes

Publisert 05.09.2019 kl. 11.00.

Både Storsøy, Ånuglo, Skorpo og Heie er mellom stadane som deltakarane på den nordiske soppkonferansen på Stord denne veka skal vitja. Men det er ikkje berre Tysnes som får vitjing av soppnerdar. Det er også planlagt ekskursjonar til Litlakalsøy i Austevoll, Fitjar, Stord, Bømlo og Huglo.

Det er forskar Tor Erik Brandrud ved Nina (Norsk institutt for naturforsking) som har laga programmet for den nordiske konferansen, som tok til tysdag morgon på Stord og blir avslutta søndag med besøk i Sveio. Brandrud er ein av dei fremste soppekspertane i Norge.

I går onsdag stod besøk på Storsøy på programmet, i dag går ein av fire ekskursjonar til Skorpetveit-Skorpeneset-Laukhamar. I morgon går ein av turane til Ånuglo. Dei fyrste dagane er det fire ulike ekskursjonar kvar dag.Laurdag ettermiddag blir det tur til Heie og Tysnes. Dr.philos Geir Helge Johnsen, som har ferieplass på Heie, skal ta imot ei gruppe med forskarar. I sommar var Geir Helge Johnsen og Tor Erik Brandrud på rundtur på Tysnes for å plukka ut interessante område for forskarane.

– Det er mange flotte lokalitetar på Tysnes, seier Johnsen.

– Eg har åtvara naboar på Heie om at det blir masse rare folk i skogen her på laurdag. Du kan sjå for deg ekstreme akademiske nerdar på leiting i terrenget. Og det er ikkje kantarell og steinsopp dei ser etter. Dette er soppnerdar, seier han med glimt i auga.


Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.