SPREK KAR: Magne Storesætre har gått som ein helt i årets SommarTrimTysnes. Gjerstadstølen har mange gonger blitt kombinert med andre innsjekksstader, som t.d. Såto og Grovatnet. (Foto: Privat)
SPREK KAR: Magne Storesætre har gått som ein helt i årets SommarTrimTysnes. Gjerstadstølen har mange gonger blitt kombinert med andre innsjekksstader, som t.d. Såto og Grovatnet. (Foto: Privat)

– Neste år blir det kvileår

Magne Storesætre trimma seg til 1. plass i SommarTrimTysnes 2019.
Publisert 06.09.2019 kl. 06.00. Oppdatert kl. 08.29.

Den fjerde runden med SommarTrim på Tysnes er no over, og i år som tidlegare kan ein sjå tilbake på imponerande statistikk. Dei 196 deltakarane har til saman heile 6.944 innsjekk, og kvar person har i snitt sanka 2.146 poeng. Det tilsvarar 21 turar til Tysnessåto og litt til.

Tala er noko lågare enn i fjor, men denne gongen har ikkje supermosjonist Åsta Hansen vore deltakar. For fyrste gong har ein annan tysnesing fått sleppa til øvst på poenglista.


Konkurransemenneske

– Ein blir jo riven med, seier Magne Storesætre.

269 innsjekk og 16.030 poeng har gitt han 1. plass og eit tilfredstilt konkurranseinstinkt. Spreke pensjonistar med god tid har lagt eit visst press på han gjennom sommaren, men dei skulle ikkje få nå han att.

– Eg er vel eit konkurransemenneske ja...ikkje så reint lite heller kanskje, fortel Storesætre.

– Det er ikkje slik at det har gått ut over nattesøvnen, eller?

– På ingen måte. Men hadde dei andre gått meir, så hadde eg gått meir og, humrar han.


Fine opplevingar

Storesætre er ikkje å finna på deltakarlista i oppstartsåret 2016. I 2017 kom han på 2. plass, og i fjor hadde han kvileår, før han denne sommaren gjorde solid comeback.

– Neste år blir det vel kvileår igjen, seier han lattermildt.

Målet for denne sommaren var å vera innom alle dei ulike turmåla i konkurransen, og det greidde han. Toppar på Reksteren har blitt kombinert med jobboppdrag, for å sleppa ekstra køyring og tidsbruk.

– Eg har gått jamt, men ikkje ekstremt. Det har vore ekstra mosjon og fine opplevingar, seier han, som har gått ein del av turane i lag med kona Beate.

Ho enda på 15. plass, medan sønene Vidar og Arild kom på høvesvis 9. og 21. plass. Ein sprek familie, med andre ord!


Topp 10-lista (poeng i parentes)

1. Magne Storesætre (16.030)

2. Sigfrid Haavik Tveit (15.500)

3. Helen Skaten Hystad (13.620)

4. Eva Storetvedt Lien (13.230)

5. Trine Lise Aasen (12.770)

6. Tormod Hauge Hansen (10.310)

7. Astrid Madsen Dale (10.000)

8. Per Verner Aase (9.520)

9. Vidar Storesætre (8.710)

10. Robert Grønvoll (8.000)


Siste saker Gå til framsida

Leiar: Kva skjedde med jordmordebatten?

– Eg visste at det har vore utfordringar med oppseiingar og sjukemeldingar. Når desse blir samanfallande, blir ein sårbar. Skulle me koma opp i ein liknande situasjon seinare, må me sjå til at me har gode nok retningsliner.Dette sa ordførar Kåre Martin Kleppe til «Tysnes» i juli, etter at

Dømt for ruskøyring

Ei kvinne frå Trøndelag er i Sunnhordland tingrett dømt for å ha køyrt i rusa tilstand på Tysnes. Hendinga fann stad hausten 2018.Kvinna var tiltalt for å ha køyrt bil med ein alkoholkonsentrasjon i blodet på minst 2,08 promille. Ho erkjente seg ikkje skuldig etter tiltaleavgjerda.Eit av punkta som vart drøfta i retten var kor høg promille kvinna faktisk hadde då ho køyrde, og...