BOKSIGNERING: Kari og Hans Flornes tok turen frå Bergen for å få med seg førestillinga til Svein Tindberg i kulturkyrkja laurdag kveld. Her signerer Svein Tindberg boka si, "Bibelfortellinger for barn".
BOKSIGNERING: Kari og Hans Flornes tok turen frå Bergen for å få med seg førestillinga til Svein Tindberg i kulturkyrkja laurdag kveld. Her signerer Svein Tindberg boka si, "Bibelfortellinger for barn".

Frå Bergen for å høyra Svein Tindberg i kulturkyrkja

– Me såg annonsen og omtalen i «Tysnes» om at Svein Tindberg skulle koma til kulturkyrkja. Då måtte me berre ta turen, seier «Tysnes»-abonnentane Kari og Hans Flornes.
Publisert 08.09.2019 kl. 06.00. Oppdatert kl. 13.31.

Dei bur til vanleg i Bergen, men med hytte i Flornes er dei ofte på Tysnes.

Dei angra ikkje på at dei tok turen til Onarheimskyrkja denne laurdagen. Svein Tindberg innfridde.

– Dette var veldig bra, seier dei, før dei stiller seg i køen for å kjøpa boka til Tindberg; «Bibelfortellinger for barn».

– Me skal kjøpa eit par eksemplar til barnebarn, seier dei og smiler.

– Ja, det var eit inspirernade føredrag, legg Hans til.

– Å få kunsten inn i kyrkja er veldig bra. Då får me ein ny innfallsvinkel, kommenterer Kari, før dei skundar seg vidare.

Etter føredraget går turen tilbake til Bergen. I morgon søndag skal Kari skal vera klokkar i Fana.

Les meir om Svein Tindberg sitt føredrag i kulurkyrkja i papiravisa og e-avisa komande torsdag.

Ole Skaten

ole@tysnesbladet.no


Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.