TELJING MÅNDAG KVELD: Her er teljinga i full gang av dei innkomne røystene på valtinget måndag. F.v. Tonje Aakre, Frp-topp Magnar Solheim og Sp-topp Arne Leite. Ordførar Kåre Martin Kleppe (bak) følgjer spent med på teljinga.
TELJING MÅNDAG KVELD: Her er teljinga i full gang av dei innkomne røystene på valtinget måndag. F.v. Tonje Aakre, Frp-topp Magnar Solheim og Sp-topp Arne Leite. Ordførar Kåre Martin Kleppe (bak) følgjer spent med på teljinga.

Braksiger for Tysnes Høgre og Kåre Martin Kleppe

Sitjande ordførar Kåre Martin Kleppe har grunn til å jubla. Høgre ser ut til å gjera ein braksiger ved kommunevalet i Tysnes.
Publisert 09.09.2019 kl. 23.12. Oppdatert kl. 23.15.

Tendensen såg ein allereie då oppteljinga av dei nær 500 førehandsrøystene var klare. Høgre hadde nær 40 prosent av førehandsrøystene, vesentleg meir enn både Senterpartiet (26 prosent) og Arbeidarparitet (21 prosent).

Kåre Martin Kleppe var forsiktig med å sleppa jubelen laus då førehandsrøystene var telt opp.

– Det er ein god indikasjon på at me gjer eit godt val, men det er mange stemmer som skal teljast opp. Me får venta med å jubla til alt er klart. Men så langt er det langt betre enn me såg føre oss, sa Kåre Martin Kleppe i ein kort kommentar til resultatet av førehandsrøystene.

No kan han sleppa jubelen laus.

– Det var små endringar i forhold til førehandsrøystene, Frp litt opp, Sp og Høgre litt tilbake. Ja, det var meir enn forventa, seier smilande Kåre Martin Kleppe, litt rørt og litt stolt om ein anna.

– Takk alle som har stemt på oss. No blir det spennande å sjå etter slengjarane i morgon. Det kan endra resultatet litt. Og så er det å bretta opp ermane, og forhandlingar.

Ut frå tala så langt, kan Høgre sikra seg åtte mandat i det nye kommunestyret.

Men tala kan bli endra når personstemmene skal teljast opp tysdag. Slengjarar frå andre parti kan endra valresultatet. Kven som kjem inn i kommunestyret, blir heller ikkje klart før personstemmene er talt opp tysdag.


Resultat valtinget:

(Førehandsrøystene er ikkje med i desse tala)

Ap: 221 (21%)

Frp: 102 (10%)

Krf: 59 (6%)

Høgre: 418 (39%)

Sp: 270 (25%)


Sp størst ved fylkestingsvalet

Senterpartiet er det største partiet i Tysnes ved fylkestingsvalet. Det er klart etter at røystene på valtinget er talt opp måndag kveld. Førehandsrøystene er ikkje med i desse tala.

Venstre: 8

Piratpartiet: 1

Helsepartiet: 5

FrP: 167

MDG: 29

Folkeaksjonen Nei til meir bompengar: 20

Sp: 276

Raudt: 22

Partiet dei Kristne: 9

NKP: 2

Demokratene: 1

SV: 23

Ap: 94

Liberalistene: 2

Pensjonistpartiet: 6

KrF: 36

Høgre: 218


INNLEVERING AV RØYSTER: Arvid Gaugstad leverer inn røystene frå Tysnesbygda. Ordførar Kåre Martin Kleppe følgjer spent med. Rådmann Steinar Dalland og førstekonsulent Anders Teigen kontrollerer innleveringa.
INNLEVERING AV RØYSTER: Arvid Gaugstad leverer inn røystene frå Tysnesbygda. Ordførar Kåre Martin Kleppe følgjer spent med. Rådmann Steinar Dalland og førstekonsulent Anders Teigen kontrollerer innleveringa.

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.