INNLEVERING AV RØYSTER: Arvid Gaugstad leverer inn røystene frå Tysnesbygda. Ordførar Kåre Martin Kleppe følgjer spent med. Rådmann Steinar Dalland og førstekonsulent Anders Teigen kontrollerer innleveringa.
INNLEVERING AV RØYSTER: Arvid Gaugstad leverer inn røystene frå Tysnesbygda. Ordførar Kåre Martin Kleppe følgjer spent med. Rådmann Steinar Dalland og førstekonsulent Anders Teigen kontrollerer innleveringa.

Høgre klart størst blant førehandsrøystene i Tysnes

Dersom det endelege valresultatet blir som førehandsrøystene syner, kan det gå mot ein solid valsiger for Høgre i Tysnes og sitjande ordførar Kåre Martin Kleppe. Høgre har fått 40 prosent av førehandsrøystene, Sp 26 proseng og Ap 21 prosent. Frp og Krf har fått 8 og 6 prosent.
Publisert 09.09.2019 kl. 21.04. Oppdatert kl. 21.18.

Kåre Martin Kleppe har grunn til å smila.

– Ja, det er ein god indikasjon på at me gjer eit godt val, men det er mange stemmer som skal teljast opp. Me får venta med å jubla til alt er telt opp. Men så langt er det langt betre enn me såg føre oss, seier Kåre Martin Kleppe, i ein kort kommentar i ein pause under teljinga måndag kveld.

Teljinga av førehandsrøystene tok til i 15.00-tida måndag ettermiddag, og i 17.00-tida var teljinga klar.

Ifølgje vallova skal resultatet av førehandsrøystene ikkje offentleggjerast før klokka 21.00 på valdagen, når dei siste vallokala kringom i landet stengjer.

I Tysnes ser resultatet av førehandsrøystene slik ut for kommunevalet:

Ap: 70 røyster

Frp: 22 røyster

Krf: 13 røyster

Høgre: 126 røyster

Sp: 85 røyster

Totalt var det 494 førehandsrøyster som blei telt opp måndag ettermiddag. Seks av røystesetlane var blanke, to blei forkasta.


Fylkestingsvalet:

Førehandsrøystene av fylkestingsvalet ser slik ut:

Helsepartiet: 5

Frp: 55

MDG: 26

Folkeaksjonen Nei til bompengar: 23

Sp: 96

Raudt: 7

Partiet dei kristne: 3

NKP: 1

SV: 8

Ap: 70

Liberalistene: 1

Pensjonistpartiet: 5

Krf: 18

Høgre: 114


TELJINGA ER I GONG: Her er Sp-representantane Kristin Gjerstad Kleppe og Arne Leite under teljinga i rådhuset måndag kveld.
TELJINGA ER I GONG: Her er Sp-representantane Kristin Gjerstad Kleppe og Arne Leite under teljinga i rådhuset måndag kveld.

Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.