INGEN POENGFANGST: Sjølv om Annica Reimdal Vee (nr. 29), Maria Lillesletten Hagen (t.h.) og dei andre på heimelaget kjempa godt mot Kjøkkelvik, blei det til slutt tap.
INGEN POENGFANGST: Sjølv om Annica Reimdal Vee (nr. 29), Maria Lillesletten Hagen (t.h.) og dei andre på heimelaget kjempa godt mot Kjøkkelvik, blei det til slutt tap.

Tap i seriestarten

Tysnes IL sitt damelag viste mykje bra spel mot Kjøkkelvik laurdag kveld, men måtte til slutt sjå seg slått 18-21.
Publisert 09.09.2019 kl. 13.37. Oppdatert kl. 14.02.

Kampen mot Kjøkkelvik (KIL/MIL 2) var den fyrste i haust, og det kunne like gjerne ha vore heimelaget som stakk av med sigeren. Tysnes låg under 0-6 i byrjinga, men etter mange reduseringar og glimrande forsvarsspel, var det dei som leia til pause (8-7).

Raudtrøyene var også i tet i delar av 2. omgang, men til slutt var det altså Kjøkkelvik som trekte det lengste strået.


Gode prestasjonar

Tysneskeeper Ragnhild Dalland var suveren i mål, og redda på fire av fire (!) straffar. Ute på banen blei unge og lovande Julie Bakke toppscorar for heimelaget, med sju nettkjenningar. Her snakkar me god utvikling.

Den rutinerte strekspelaren Linda Flornes har gjort comeback, og laget har også fått inn friske, unge krefter frå Jenter 16. Blant dei er Annica Reimdal Vee, som gjorde fin figur på banen i helga, og vonleg får me sjå fleire av nykomarane i aksjon snart.

Søndag ventar ein ny heimekamp for damelaget, denne gongen mot Sandviken.


Desse spelte mot Kjøkkelvik:

Signe Pettersen Opdal (3), Ragnhild Dalland, Sara Reimdal Vee (3), Maria Lillesletten Hagen (3), Norunn Ebbesvik, Julie Bakke (7), Renathe Hagen-Lunde, Annica Reimdal Vee og Linda Flornes (2).


Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.