PARTIA ER SAMDE: Kåre Martin Kleppe (nummer to frå høgre) blir ordførar og Arne Leite blir varaordførar (nummer to frå venstre). Her frå valdebatten på Mandelhuset. F.v. Magne Skartveit, Arne Leite, Anne Merete Fjeldstad, Kåre Martin Kleppe og Magnar Solheim. (Foto: Camilla Korsnes)
PARTIA ER SAMDE: Kåre Martin Kleppe (nummer to frå høgre) blir ordførar og Arne Leite blir varaordførar (nummer to frå venstre). Her frå valdebatten på Mandelhuset. F.v. Magne Skartveit, Arne Leite, Anne Merete Fjeldstad, Kåre Martin Kleppe og Magnar Solheim. (Foto: Camilla Korsnes)

Kåre Martin blir ordførar – Arne blir varaordførar

ONSDAG KVELD: Avtalen er i boks. Kåre Martin Kleppe blir ordførar i fire nye år, Arne Leite blir varaordførar den komande perioden.
Publisert 11.09.2019 kl. 22.57.

– Eg er veldig godt nøgd med den løysinga me no har fått til, og eg er veldig, veldig glad for fire nye år som ordførar. Det er Kåre Martin Kleppe sin korte kommentar til «Tysnes» seint onsdag kveld etter at avtalen med dei andre partia er forhandla fram.

Nøgd er også den nye varaordføraren.

– Ja, seg ser fram til å bli varaordførar. Eg skal vera ein støttespelar så mykje som eg kan, seier Arne Leite.

Han er klar på at Senterpartiet er godt nøgde med valet, dei auka mandata i kommunestyret med 50 prosent, frå fire til seks.

– Meininga til veljarane var klar, me var difor tidleg ute og støtta Kåre Martin som ny ordførar. No har me hatt gode samtalar med dei andre partia. Det har vore veldig ryddige forhandlingar, legg han til.

– Me er veldig godt nøgde med den fordelinga av posisjonar som det no blir, seier Arne Leite.

Slik blir fordelinga:


Formannskap:

Ordførar Kåre Martin Kleppe

Varaordførar Arne Leite

Høgre

Høgre

Senterpartiet

Framstegspartiet

Arbeidarpartiet


Landbruk/teknisk:

Leiar - Senterpartiet

Senterpartiet

Høgre

Høgre

Høgre

Framstegspartiet

Kristeleg Folkeparti


Tenesteutvalet:

Leiar - Arbeidarpartiet

Arbeidarpartiet

Senterpartiet

Senterpartiet

Høgre

Høgre

Høgre


Siste saker Gå til framsida

Fjord1 vil møta tysnespolitikarane

Prosjektdirektør Nils Kristian Berge i Fjord1 set si lit til at politikarane i Tysnes godkjenner søknaden om nytt teknisk bygg på ferjekaien i Våge på neste møte i utval for landbruk/teknisk.

Svindel-e-post florerer

Politiet har fått inn fleire meldingar om svindel-e-post. – Me har mellom anna fått fleire henvendingar frå folk som mottek e-post med vedlagt faktura, frå bedrifter som dei ikkje har vore i kontakt med i det heile tatt, fortel Susann Rosvold, politibetjent ved Tysnes lensmannskontor. – Dette er rein svindel, og viss fleire har opplevd å få ein slik faktura, kan dei sjå bort...