SYNFARING: Representantar for tiltakshavar og politikarane i landbruk/teknisk var sist veke på synfaring til den omsøkte tomta på Økland på Flatråker. På biletet ser me utvalsleiar Egil Berge midt i biletet (med caps), Gjermund Lygre Kongsvik (grøn jakke, med ryggen til), Arve Belt og Magne Skartveit bak utvalsleiar Berge, og Øystein Dalland til høgre.
SYNFARING: Representantar for tiltakshavar og politikarane i landbruk/teknisk var sist veke på synfaring til den omsøkte tomta på Økland på Flatråker. På biletet ser me utvalsleiar Egil Berge midt i biletet (med caps), Gjermund Lygre Kongsvik (grøn jakke, med ryggen til), Arve Belt og Magne Skartveit bak utvalsleiar Berge, og Øystein Dalland til høgre.

Positive til bustadtomt på Flatråker

Politikarane i landbruk/teknisk gjekk sist veke samrøystes inn for å vera positive til frådeling av ei bustadtomt på Økland på Flatråker.
Publisert 11.09.2019 kl. 06.00.

Søknaden om dispensasjon frå plan- og bygningslova for frådeling av ei bustadtomt på gnr. 3, bnr. 3 på Økland på Flatråker stod på sakslista til møtet i landbruk/teknisk i juni i år, men blei då utsett for synfaring. På møtet sist veke var utvalet på synfaring.

Rådmannen var i si innstilling i saka imot å gje dispensasjon.

– Eg synest det er positivt at nokon vil byggje einebustader i området, innleia Arve Belt (V) då saka blei handsama etter synfaringa.

Han fekk støtte av Magne Skartveit (KrF).

– Eg ser positivt på saka, sa Skartveit.

Øystein Dalland (Sp) signaliserte at han også kunne vera positiv, og poengterte at det i området var både hus og hytter og at det såleis ikkje ville vera punktering av eit område.

– Viss folk vil flytta til Flatråker, så skal eg jubla. Som lokalpolitikar er eg innstilt på å vera positiv til å gje dispensasjon, sa Gjermund Lygre Kongsvik.

Utvalsleiar Egil Berge var og positiv.

– Eg vil ikkje gå imot sjølv om Fylkesmannen kan koma til å seia nei.

– Eg meiner dette er positivt for lokalsamfunnet, og det er ikkje punktering av strandlina, poengterte Arve Belt.

Eit positivt framlegg sett fram av Øystein Dalland blei sett opp mot framlegget frå rådmannen. Alle dei seks som møtte i utvalet denne dagen røysta for framlegget frå Dalland.

– Landbruk/teknisk syner til at omsøkt tiltak er planlagt i eit område der det er etablerte hytter og hus. Frådeling av parsell vil dermed ikkje setja omsynet til LNF-føremålet vesentleg til side. Etter synfaring på området ser landbruk/teknisk at fordelane vil vera klart større enn ulempene og vil ikkje skapa presedens for seinare saker. Tiltaket vil vera med å styrkja busetnaden i området og soleis vera eit positivt tiltak, heiter det i vedtaket.

Saka går no til Fylkesmannen og fylkeskommunen for uttale.


BUSTADTOMT: Utsikt nordover frå tomta på Økland. Me ser den gamle handelsstaden på Flatråker til høgre og setjefiskanlegget midt i biletet.
BUSTADTOMT: Utsikt nordover frå tomta på Økland. Me ser den gamle handelsstaden på Flatråker til høgre og setjefiskanlegget midt i biletet.

Siste saker Gå til framsida

Har du oversikt over kva du eig?

Ei undersøking gjennomført av Ipsos for Gjensidige viser at det berre er 25 prosent av hordalendingane som har dokumentert verdiane i heimen sin. Det kan by på unødvendige utfordringar i forsikringsoppgjeret, dersom du skulle bli råka av til dømes brann eller tjuveri. – Skjer det ein totalskade ved brann, er det nærmast umogleg å klara å hugsa alt ein har hatt av ting. Det same kan vera...

På plass som bibliotekvikar

Med biblioteksjefen ute i permisjon, er det Nicoline Leonhard Drageset som styrer biblioteket fram til midten av april.

Leiar: Kva skjedde med jordmordebatten?

– Eg visste at det har vore utfordringar med oppseiingar og sjukemeldingar. Når desse blir samanfallande, blir ein sårbar. Skulle me koma opp i ein liknande situasjon seinare, må me sjå til at me har gode nok retningsliner.Dette sa ordførar Kåre Martin Kleppe til «Tysnes» i juli, etter at