EKSKLUSIVT: Sjur Hjeltnes har førpremiere på det nye programmet sitt i morgon, fredag på Mandelhuset. (Pressefoto)
EKSKLUSIVT: Sjur Hjeltnes har førpremiere på det nye programmet sitt i morgon, fredag på Mandelhuset. (Pressefoto)

Førpremiere med Sjur Hjeltnes

Sjur Hjeltnes har eit heilt ferskt program føre seg. Det startar offisielt i Bergen 20. september, men Tysnes får æra av å høyra han allereie i morgon, fredag.
Publisert 12.09.2019 kl. 15.46.

– Det blir gode historiar med musikalsk vri, lovar Patrick Russell Madsen, dagleg leiar på Mandelhuset.

Sjur Hjeltnes blir skildra som ein klassisk pianist og ein seriøs komiker.

– Han er ein veldig fin og lun type, og flink til å formidla, seier Madsen, som ser fram til førpremieren i morgon.

– Han opptredde her for nokre år sidan, og då var det fullt hus og god stemning. Me håpar på det same i år òg, seier Madsen.

Hjeltnes nyttar musikk, song og dans til å besvara dei store spørsmåla i livet. I morgon vil han sjå nærare på livet, døden, kjærleiken og musikken. Kanskje får me eit svar på kven me er, kva me gjer her og kor me skal?


Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.