HEIDRAR TYSNESFEST-FRIVILLIGE: Maria Avalos-Rønneseth er klar for nok ein frivilligfest.
HEIDRAR TYSNESFEST-FRIVILLIGE: Maria Avalos-Rønneseth er klar for nok ein frivilligfest.

Klart for frivilligfest

Maria Avalos-Rønneseth fortel at det framleis er ledige plassar til frivilligfesten på laurdag.
Publisert 12.09.2019 kl. 18.00.

– Det vert ei lita oppsummering av festivalåret, og samtidig ein hyllest av både festivalen og dei frivillige, fortel Maria Avalos-Rønneseth.

Ho er kontorleiar i Tysnesfest, og har ansvaret for festivalen sin frivilligfest som vert arrangert på laurdag.

– Det er for alle som har bidratt til festivalen på ein eller annan måte, seier ho.


Plass til fleire

Maria fortel at ein god del har meldt seg på til festen, men at det framleis er plass til fleire.

– Me har iallefall 70 påmelde til no, men eg håpar det er fleire som vil melda seg på. Det er enno plass, seier ho.

Påmeldingsfristen er i utgangspunktet sett til i dag, torsdag, men ifølgje Maria kan det vera opning for «etternølarar».

– Til og med fredag trur eg det skal vera gode moglegheiter for å få meldt seg på.


God stemning

Frivilligfesten har vorte ein tradisjon i samband med Tysnesfest, og Maria fortel at det pleier å vera god stemning på festen, som vert arrangert på Mandelhuset.

– Det vert litt mat og kaker, og noko godt å drikka, og så vert sosialisering og litt ulike programpostar, seier ho.

– Det er ein god gjeng med frivillige som er samla, og då pleier det å verta god stemning, fortel Maria vidare.


Avhengig av frivillige

Maria er godt nøgd med dugnadsarbeidet under Tysnesfest i sommar.

– Det har vore gode tilbakemeldingar frå Monica (Hoff Utne), som er frivilligansvarleg. Det har vore enklare å få med frivillige i år, og me har fått med dyktige frivillige som jobbar godt og sjølvstendig, seier ho.

Maria trur det betyr mykje at festivalleiinga kan markera det frivillige arbeidet ved å invitera til fest.

– Det er veldig viktig at me får gje noko tilbake. Å samla folk på denne måten trur eg er noko folk set pris på, seier ho.

– At folk vil jobba frivillig betyr alt for festivalen. Heile Tysnesfest startar og sluttar med dei frivillige, avsluttar ho.


Siste saker Gå til framsida

– Humor er snarvegen inn i følelsane våre

Dei alvorlege poenga til føredragshaldar, motivator og psykolog Trond Haukedal var mange i Tysneshallen fredag kveld. Måten han blanda alvor med humoristiske innslag gjorde arrangementet «Gje deg sjølv tid» til ein vellukka kveld.