FRISK FØRPREMIERE: Med sitt heilt ferske humor- og musikkshow serverte Sjur Hjeltnes snacks for øyra til publikum på Mandelhuset fredag kveld. (Begge foto: Ella Sandra Dahl Berland)
FRISK FØRPREMIERE: Med sitt heilt ferske humor- og musikkshow serverte Sjur Hjeltnes snacks for øyra til publikum på Mandelhuset fredag kveld. (Begge foto: Ella Sandra Dahl Berland)

Snacks for øyra

– Eg vurderer å slenga meg på neste show òg, så bra var det.
Publisert 15.09.2019 kl. 13.46. Oppdatert kl. 15.20.

Det seier Erik Aadland, som prioriterte fredagskvelden sin godt.

Då fekk Tysnes nemleg æra av å høyra det heilt ferske showet til Sjur Hjeltnes på førpremieren på Mandelhuset, som underteikna vil beskriva som snacks for øyra.

– Sjur har eit fantastisk perspektiv på livet, held Erik fram.


– Treffer oss der me er

Han var ikkje åleine om å digga Hjeltnes.

– Det var synd det ikkje kom fleire. Dei som ikkje var her, dei gjekk verkeleg glipp av noko, meiner Agnethe Brekke.

– Eg har vore på show med han før, og han har veldig lun humor og spelar godt på kjende og kvardagslege ting.

Erik og Agnethe var blant ein gjeng på fem frå Bergen, Tysnes og Stord som kjøpte showpakke med mat, drikkepakke og billett.

– Sjur har ein veldig uformell tone, og han treffer oss akkurat der me er, stemmer Reidun Lande Vaage i.

– Me har storkost oss, med fantastisk show og fantastisk mat, seier dei.


Frå kjellaren til scena

«Sjur Hjeltnes - spelar fort og pratar tull». Han blir skildra som ein klassisk pianist og ein seriøs komiker, og på førpremieren på fredag nytta han musikk og song til å besvara både store og små spørsmål i livet.

Sjefen sjølv kunne rapportera at også han hadde ein fantastisk kveld, trass i at oppmøtet ikkje var fullt så stort som ein kunne våga å håpa på.

– Eg syns publikum var heilt topp. Og det var veldig nyttig å testa showet ut framfor folk, smiler Sjur.

Han presenterer «Tysnes» for Theodor Jansson, som han beskriv som den åndelege rettleiaren og guruen i prosjektet. Dei to har sete i ein kjellar og jobba med showet i nokre år.

– Theodor har vore oppteken med noko, og så har eg vore oppteken med noko. Så me har jobba nokre få dagar, med langt mellomrom, ler Sjur.

– Og no kjem me ut av kjellaren, og no blir prosjektet lett målbart. Og folk har kost seg og ledd, heldigvis.


Ny sjanse neste helg

I 2011 hadde Sjur Hjeltnes sitt første show nokosinne, og også den gongen var det Tysnes og Mandelhuset som fekk æra av å høyra han først.

– Då var eg endå meir nervøs enn i kveld, men det gjekk jo ganske bra, og Patrick sa «Kom her neste gong du skal ha show». Og no er det blitt endå flottare her, seier han.

Neste helg startar det nye programmet for alvor, på Lille Ole Bull i Bergen.

– Dei som ikkje fekk det med seg, kan ta båten til byn og få det med seg neste helg, oppmodar Sjur til slutt.


FANS: «Han treffer oss der me er», kom det frå denne gjengen, som storkoste seg på Sjur Hjeltnes-showet. F.v. Erik Aadland og Agnethe Brekke frå Bergen, Martha Nygård Lande frå Tysnes, og Reidun Lande Vaage og Ole Arthur Vaage frå Stord.
FANS: «Han treffer oss der me er», kom det frå denne gjengen, som storkoste seg på Sjur Hjeltnes-showet. F.v. Erik Aadland og Agnethe Brekke frå Bergen, Martha Nygård Lande frå Tysnes, og Reidun Lande Vaage og Ole Arthur Vaage frå Stord.

Siste saker Gå til framsida

Leiar: Kor lang tid skal det gå før undervass-skjera ved Horso blir merka?

I sist veke skjedde det igjen, for n’te gong. Ein fritidsbåt grunnstøytte på skjeret Horso, ved Gjerslingane, nord for ferjekaien i Våge. Fritidsbåten Risøy frå Varaldsøy med tre familiemedlemer Årvik om bord var dei uheldige denne gongen. Dei skulle frå Varaldsøy til Fitjar, og var innom Våge éi natt. Smellen førte...

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...