OPPTEKEN AV SPRÅK: Elin Sara Tysnes reagerer på at Tysnes Arbeidarparti skriv lesarbrev på bokmål. Her frå avisa 5. september.
OPPTEKEN AV SPRÅK: Elin Sara Tysnes reagerer på at Tysnes Arbeidarparti skriv lesarbrev på bokmål. Her frå avisa 5. september.

Lesarbrev: Kultur – Språk

Publisert 15.09.2019 kl. 12.00.

Tysnes er ein nynorsk-kommune. Det er derfor med stor undring eg har lese innlegg i avisa frå Tysnes Arbeidarparti sin formann og ordførarkandidat skrive på bokmål på vegner av partiet.

Skal ein vera ordførar i Tysnes, må ein kunna uttrykkja seg skriftleg på nynorsk – eventuelt med hjelp frå andre. Kva ein sjølv nyttar privat i skrift og tale, er irrelevant.

Avisa 5.9.2019 inneheld òg eit innlegg frå Tysnes Arbeidarparti som er skrive på bokmål. Så vidt eg veit har ikkje partiet vedteke at dette er deira målform.

Språket er ein viktig del av vår kultur – i dette høvet nynorsken – og det ville vera ønskjeleg om dei politiske partia også tek vare på kulturen.

Om eg ikkje er fast busett på Tysnes, er eg engasjert i samfunnet der.


Siste saker Gå til framsida

Lesarbrev: Det er no me lyt stå saman!

Folket på øyane har alltid stått saman når det bles opp til storm. Skulder ved skulder har me stått han av, og det skal me gjera også denne gongen. Kriser får fram det beste i bygdefolk. Ein seier ikkje lenger eg, no er det oss.Det er viktigare enn nokon gong at folk hjelper kvarandre, og at me alle bidreg med det me kan. Om alle gjer litt, så blir det så mykje lettare for alle saman.