TOPP STEMNING: F.v. Torbjørn Onarheim, Silje Hansen, Linn Frøkedal, Kari Lande og Arild Pettersen har vore frivillige under Tysnesfest i alle år. Frivilligfesten blei eit minnerikt tilbakeblikk på festivalen i år. (Alle foto: Ella Sandra Dahl Berland)
TOPP STEMNING: F.v. Torbjørn Onarheim, Silje Hansen, Linn Frøkedal, Kari Lande og Arild Pettersen har vore frivillige under Tysnesfest i alle år. Frivilligfesten blei eit minnerikt tilbakeblikk på festivalen i år. (Alle foto: Ella Sandra Dahl Berland)

Tilbakeblikk på Tysnesfest

– Det er veldig kjekt å komma saman med andre ein har jobba med i sommar, seier Kari Lande.
Publisert 16.09.2019 kl. 12.00.

Kari var blant over hundre som var samla på frivilligfest på Mandelhuset laurdag. Frivilligfesten er ei årleg samling for alle som har bidratt under Tysnesfest.

– Det blei eit hyggeleg tilbakeblikk på opplevinga av festivalen, legg Kari til.

Ho siktar både til kjente ansikt, og til frivilligfilmen, ein viktig del av kveldens program.

– Me får ikkje med oss alt som skjer når me er frivillige, så det var kjekt å sjå endå litt meir av Tysnesfest gjennom filmen, fortel ho.


Stolte

Frivilligfilmen var slett ikkje den einaste underhaldninga på festen. Det blei talkshow med Christian Nome Lepsøe, Sigvard Madsen og Øystein Vaage, og ordførar Kåre Martin Kleppe hadde førebudd ein aldri så liten quiz med faktaspørsmål om festivalen. Laget til Kari fekk diverre ikkje noko plassering på quizen, men det betydde ikkje at det skorta på den gode stemninga.

– Det er veldig kjekt å få sosialisera med dei eg har jobba med i sommar, seier Silje Hansen.

– Det er første gong eg er med på frivilligfest, men eg har vore med som frivillig i alle år, smiler ho.

Ved bordet sit òg Linn Frøkedal, også ho er ein ihuga Tysnesfest-frivillig.

– At Tysnes kan få til noko så stort som dette kvart år, det er me veldig stolte av. Eg ser veldig fram til å vera ein del av dette neste år òg, seier Linn.


Alt blei eit høgdepunkt

Maria Avalos-Rønneseth er kontorleiar i Tysnesfest og ansvarleg for frivilligfesten. Ho fortel at det var rett over 100 deltakarar på festen i år.

– Kva var høgdepunktet for kvelden?

– Høgdepunktet, er det lov å seia alt? smiler ho.

– Stemninga, programmet med ei fin oppsummering av festivalen, god mat og god gjennomføring av Mandelhuset. Eg er veldig fornøgd med heile festen, og det var veldig kjekt at det var så mange som kom, fortel ho.


SUKSESS: Over 100 var med på frivilligfesten på Mandelhuset, og fest-ansvarleg Maria Avalos-Rønneseth er glad for at så mange ville komma.
SUKSESS: Over 100 var med på frivilligfesten på Mandelhuset, og fest-ansvarleg Maria Avalos-Rønneseth er glad for at så mange ville komma.
TALKSHOW: Primus motorane for Tysnesfest, Sigvard Madsen og Øystein Vaage, bidrog til kveldens underhaldning då dei blei bedne med på talkshow med Christian Nome Lepsøe (til høgre).
TALKSHOW: Primus motorane for Tysnesfest, Sigvard Madsen og Øystein Vaage, bidrog til kveldens underhaldning då dei blei bedne med på talkshow med Christian Nome Lepsøe (til høgre).
KAKEFEST: Forutan ein buffet med noko for ein kvar smak, som Mandelhuset stod for, bidrog fleire av dei frivillige med deilig kakebakst.
KAKEFEST: Forutan ein buffet med noko for ein kvar smak, som Mandelhuset stod for, bidrog fleire av dei frivillige med deilig kakebakst.

Siste saker Gå til framsida

Leiar: Kor lang tid skal det gå før undervass-skjera ved Horso blir merka?

I sist veke skjedde det igjen, for n’te gong. Ein fritidsbåt grunnstøytte på skjeret Horso, ved Gjerslingane, nord for ferjekaien i Våge. Fritidsbåten Risøy frå Varaldsøy med tre familiemedlemer Årvik om bord var dei uheldige denne gongen. Dei skulle frå Varaldsøy til Fitjar, og var innom Våge éi natt. Smellen førte...

Har fått 100 år gamle draktdelar

Synnøve Hodneland i Tysnes Husflidslag kan fortelja at laget har fått mange gamle draktdelar i gåve frå ein privatperson. Plagga skal vera om lag 100 år gamle, og kjem mellom anna frå Bergsvåg og Solheimsdalen. – Det er blant anna bunadsbelte, brystdukar, bunadsliv, silkeforkle, barnehuer og bunadshuer, fortel Hodneland. På lagskvelden i Husflidstova komande måndag vil Britt Kjellesvik...